PD Sei Fó Kreditu Ba Negosiante Atsabe | Partidu Demokratiku

PD Sei Fó Kreditu Ba Negosiante Atsabe

PD Sei Fó Kreditu Ba Negosiante Atsabe


Pártidu Demokrátiku (PD), kompromete sei fó kreditu ba negosiante Timoroan liu-liu ba Atsabe oan sira ne’ebé hakarak halo negosiu iha rai laran| Photo Dok: Partidu Demokratiku.

Atsabe (01/05/2018) : Pártidu Demokrátiku (PD), kompromete sei fó kreditu ba negosiante Timoroan liu-liu ba Atsabe oan sira ne’ebé hakarak halo negosiu iha rai laran, wainhira povu fiar no fo votus pa Pártidu Demokrátiku (PD), iha loron 12 fulan Maio hodi ukun tinan 5.

Prezidente PD, Mariano Assanami Sabino hatete, atu hasa’e kresimentu ekonomia iha rai laran presiza iha programa no politika ba investimentu publiku no privadu konaba rai osan no foti osan ho funan ne’ebé ki'ik no fasil atu asesu.

“Ita hakarak investe hodi fó kreditu ba Atasabe oan sira ne’ebé halo negosiu nune’e bele halo fila liman hodi hadia ekonomia uma laran,” hatete Prezidente Pártidu Demokrátiku (PD), Mariano Assanami Sabino, iha nia kompromisiu politiku, Atsabe.

Nia dehan, Atsabe oan sira iha Timor maioria halo negosiu, tanba ne’e karik PD manan iha eleisaun ida ne’e hakarak kria fundu imprestimu hodi fo oportunidade ba negosiante Atsabe oan sira atu asesu hodi halo kreditu atu nune’e bele haforsa sira nia negosiu.

Governu ohin loron halo investimentu publiku, maibé sirkulsaun osan ladun masimu to’o ba iha baze, tanba ne’e liu husi kreditu ida ne’e negosiante sira bele asesu hodi loke keoske ruma ka halo fila liman saida de’it hodi hadia ekonomia familiar nian.

Timoroan barak iha inisiativa hodi halo negosiu, maibé dala ruma fundus ne’ebé utiliza hodi halo negosiu ne’e sai bareira bo’ot ba sira atu hakat ba oin, tanba ne’e PD iha politika atu loke kreditu ne’e hanesan meius ida atu responde negosiate sira nia preokupasaun.

Pártido Demokrático Official Website