PD Sei Hadia Igreja Iha Timor Laran Tomak | Partidu Demokratiku

PD Sei Hadia Igreja Iha Timor Laran Tomak

PD Sei Hadia Igreja Iha Timor Laran Tomak


Igreja Katolika iha tempu Portuges to’o ohin loron sei ejiste, presija halo planu hodi dezeña tuir nafatin modelu anterior no kompleta ho nia Istoria atu nune’e bele fatin turismu relizioju| Photo Dok: Partidu Demokratiku.

Atsabe (01/05/2018) : Pártidu Demokrátiku (PD), kompromete sei hadia Igreja iha Timor laran tomak atu nune’e sarani sira bele hamahan-an hodi hametin sira nia fiar.

Prezidente Pártidu Demokrátiku (PD), Mariano Assanami Sabino, PD iha programa nasional ne’ebé fo mos prioridade hodi hadia igreja hotu hotu iha Timor Laran tomak.

“Ba konstrusaun igreja ne’e sai ona programa nasional tanba ne’e aban bainrua Partidu Demokratiku, kuandu hetan Vitoria iha Eleisaun Antesipada hakarak ka lakoi ita tenke hadia hotu igraje sira,” hatete Prezidente Pártidu Demokrátiku (PD), Mariano Assanami Sabino, iha nia kompromisiu politiku, Atsabe.

Assanami dehan, Igreja Katolika sira ne'ebe konstrui iha tempu Portuges, maibé to’o ohin loron sei ejiste, ne’e presija halo planu hodi dezeña tuir nafatin modelu anterior no kompleta mos ho nia Istoria atu nune’e fatin sira hanesan ne’e bele sai fatin turismu relizioju.

"Igreja tuan sira iha Timor laran ejiste barak tebes, tanba ne’e Partidu Demokratiku sei dezenvolve atu sai fatin turismu relizioju, atu nune’e turista relizioja sira karik mai vijita bele husik hela osan ruma hodi fo benefisiu ba estadu," nia dehan.

Aliende ne’e Assanami hatete, ba aldeia, suku postu administrativu sira ne’ebé to’o ohin loron sedauk iha kapela, Partidu Demokratiku PD kompromete sei konstrui igreja foun ba sarani sira ne’ebé presija.

Pártido Demokrático Official Website