Assanami Apela Militantes ParPol Labele Trata Malu | Partidu Demokratiku

Assanami Apela Militantes ParPol Labele Trata Malu

Assanami Apela Militantes ParPol Labele Trata Malu


Militantes no Simpatizantes iha Munisipiu Baucau| Photo Dok: Partidu Demokratiku

Aileu (20/04/2018) : Prezidente Pártidu Demokrátiku (PD), Mariano Assanami Sabino apela ba militantes no simpatizantes Partido Politiku (ParPol) hotu, liu-liu militantes Pártidu Demokrátiku (PD), atu labele uja MedSos (Media Sosial) ka Facebook uja ID falsu hodi trata lider nasional sira. 

Lider Jerasaun Faun ne'e apelu ba Kuadrus, Militantes no simpatizantes sira hotu atu labele insulta, atakes, mal tratamentu iha rede sosial hanesan Fabook no seluk tan.

"Iha rai Aileu duni mak hau apela ba Militante tomak, atu hakruk kontinua pasensia nafatin hodi hein rezultadu festa demokrasia Eleisaun Antesipada ne'e, labele tama facebook para trara ema seluk no trata ita nia lider national sira ne'e laiha moral. No ID falsu mos ita la bele

halo, PD la aseita para nia militantes sira halo ida ne’e," hatete Presidente PD, Mariano Asssanami Sabino iha nia Kampana, Ai

leu.PD la tolera ba nia Militantes sira atu una ID falsu ka seluk tan hodi insulta lider Rezistensia sira, espesialmente maun bo'ot sira hanesan aman nasaun, ne'ebe presiza jerasaun foun sira respeitu no tane, laiha ema ida atu koalia a'at sira, tanba ho sira mak iha jerasaun foun. "Ita tenke kaer metin unidade nasional hodi koantinua suku, laos fahe atu kontribui ba face lider sira," Assanami hatete.

Assanami dehan, ParPol seluk, ohin halo kampana para atu ba kaer ukun. Maibe presiza mos atu eduka povu ho valores demokrasia, tanba ParPol iba responsabilidade atu konstrui estado, konstrui nasaun.

"Iha passadu, ita fo ita  nia aman, ita fo ita nia fe’en, ita fo ita nia oan, ita fo, ita nia rikusoin. Tamba ne'e husi pasadu, ita labele ke'e malu fila-falu no ataka malu fali ilha Facebook," dehan Assanami.

Hanesan kampana sira seluk, hanesan jerasaun kontinuador aprezenta programa ne'ebe hanesan kompromisiu ba povu TL tomak.

Pártido Demokrático Official Website