Assanami : Hasae Salariu-Hola Kareta Ba Xefe Suco | Partidu Demokratiku

Assanami : Hasae Salariu-Hola Kareta Ba Xefe Suco

Assanami : Hasae Salariu-Hola Kareta Ba Xefe Suco


Militantes no simpatizantes Pártidu Demokrátiku (PD), partisipa kampana PD iha Munisipiu Ermera, iha loron 28, fulan April, hodi hein festa demokrasia Eleisaun Antesipada (EA).| Photo Dok: Partidu Demokratiku.

Ermera-Hatolia (30/04/2018) : Pártidu Demokrátiku (PD), sei hola Kareta no hasae vensimentu ba xefe suco sira, wainhira povu fo fiar no fo votus ba PD manan maioria iha Eleisaun Antesipada (EA), iha loron 12 Maio 2018.

Prezidente PD Mariano Assanami hatete, PD kaer ukun sei hasae salariu ba Xefe suco no hola kareta ba sira. No hola motor ba Xefe Aldeia sira, atu nue'e bele fasilita sira diak liu tan hodi atende no servisu diak liu tan.

"Xefe suco sira sei iha kareta atu uja hodi servi povu sira atu nume'e bele halo servisu diak liu tan, kuandu PD manan ita sei hasa’e sira nia salariu fulanfulan tenke simu sira nia direitu atu nune’e sira bele sustenta-an hodi servi nia povu iha baze,” hatete Prezidente PD Mariano Assanami Sabino iha nia kompromisiu politiku ba nia militantes no simpatizantes sira iha Ermera-Hatolia.

Assanami dehan, durante ne’e governu fó salariu ba xefi suku ho nia estrutura iha baze kada fulan tolu to’o ne’en mak foin simu, tamba ne’e kuandu PD manan sei muda sistema pagamentu sira tenke simu salariu kada fulan.

Pártido Demokrático Official Website