Assanami, Hili PD Halo'os Demokrasia | Partidu Demokratiku

Assanami, Hili PD Halo'os Demokrasia

Assanami, Hili PD Halo’os Demokrasia

Lia naian sira iha Aileu-Laulara simu Pártidu Demokrátiku (PD), Mariano Assanami Sabino, hafoin hahu nia kampana eleitoral ba dala 6 iha Laulara-Aileu | Photo Dok: Partidu Demokratiku


 26/06/17

Aileu-Laulara : Prezidente Pártidu Demokrátiku (PD), Mariano Assanami Sabino, husu ba povu Timor-Leste, atu hili Pártidu Demokrátiku (PD), atu nune’e bele halo’os Demokrasia iha Timor-Leste (TL).

Eis Ministru Agrikultura no Peskas (MAP) atual Prezidente Pártidu Demokrátiku (PD), Mariano Assanami Sabino dehan, koalia kona ba afirmasaun atu hili PD, laos halo atu halo deit estrada, lori hodi moris diak, eletrisidade, seitor agrikola no hadia edukasaun iha Timor-Leste, maibe hili PD, tanba PD diferente ho partidu sira seluk. 

Assanami dehan, so uniku PD mak  sei hatu’ur no halo’os didiak demokrasia iha nia fatin tuir prinsipiu demokrasia iha Timor-Leste. Tanba ne’e hili PD atu hatu’ur no halo'os valor demokratiku iha Timor-Leste, atu nune’e moris no lalaok tenke sai demokratiku, tanba PD nudar Pártidu Demokrátiku.

“Se ukun la demokratiku, maibe hanaran-an demokratiku ita soke objetivu nasaun nian, ita soke ukun ho bandu ne’e, ita harahun ne’e sei nakfera hanesan krize 2006, ukun ne’e sei lalalok tuir nia dalan tanba ita hare hanesan Tinan rua rua ita sempre iha krize,” hatete Mariano Assanami Sabino iha nia kampana ba dala 7 iha Municipio Aileu-Laulara, 26/06).

Pártido Demokrático Official Website