Assanami Husu Xanana, Taur, Mari, Ramos Hapara Insulta Malu | Partidu Demokratiku

Assanami Husu Xanana, Taur, Mari, Ramos Hapara Insulta Malu

Assanami Husu Xanana, Taur, Mari, Ramos Hapara Insulta Malu


Presidente Partidu Demokratiku Eng. Mariano ASSANAMI Sabino Diskursu iha kampanha aberta PD iha Munisipiu iha Munisipiu Ainaro, Postu Administrativo | Photo Dok: Partidu Demokratiku

Hatobuilico (19/04/2018) : Presidente Pártidu Demokrátiku (PD), husu ba lideransan nasional hanesan Xanana Gusmao, Taur Matan Ruak, Mari Alkatiri, Ramos Horta no sira seluk atu hapara insulta malu iha festa demokrasia Eleisaun Antesipada (EA). 

Tuir Prezidente PD Mariano Assanami, la presiza atu insulta malu no hirus malu atu hetan konfiansa husi povu ka hetan votus iha kampana EA tinan ne'e, maibe presiza koalia ho hakraik-an ba Povu Timor-Leste hodi hanorin sira kona ba demokrasia. 

"Ohin ami hakilar iha Ramelau nia hun husu ba Maun bo'ot Xanana, Mari, Taur, Ramos, Lu-olo, Lere no sira seluk atu lalika hirus malu, lalika oin suar ba malu, tane malu, tamba imi mesak heroi. Ita nia fahe malu remata ona," hateten Presidente PD, Mariano Asssanami Sabino iha nia mini Kampana, Ramelau-Hun, Hatubuiliku-Ainaro. 

Prezidente Assanami dehan, husi Ramelau, sabe a'as liu tutun mak sai sasin ba insulta malu. Tamba ne'e atu hametin save a'as liu tutun ho we matan lulik Ramelau nian sei fo i'is mata malirin ba liderensa sira hodi kaer liman hamutuk haka'at ba oin hodi fo moris diak ba povu Timor-Leste. Tamba lider hotu nia dignidade la A'as liu dignidade nasau no povo TImor-Leste nia Assanami hatutan, kampana EA ne'e presiza koalia no hanorin povu kona ba Edukasaun, Estrada, Saude, Eletrisidade Moris diak no koalia halo povu ne'e kontenti ho festa demokrasia ne'e hodi hametin paz no estabilidade. 

""Mai husu povu atu vota ita, tamba ukun ne'e povu nian, ita kaer servi fila-fali povu. Labele iha tan kartus ida ba Timor ida mate tan fali, ne'e labeleeee," dehan Assanami.

Pártido Demokrático Official Website