Assanami Kongratula Jornalista Timor Oan | Partidu Demokratiku

Assanami Kongratula Jornalista Timor Oan

Assanami Kongratula Jornalista Timor Oan


Prezidente Partido Democratico (PD), Mariano Assanami Sabino| Photo Dok: Partidu Demokratiku.

Bobonaro (02/05/2018) : Relasiona ho Loron Mundial Imprensa ne'ebe monu iha loron 03 fulan Maio, Prezidente Pártidu Demokrátiku (PD), Mariano Assanami Sabino kongratula servisu Jornalista nasional no mos internasional, ne’ebé durante ne’e kontribui prosesu demokrasia iha Timor no mundu internasional.

“Hau hakruk no fo omenajen ba jornalista internasional nain lima, ne’ebé mak mate iha Timor (Balibo), tanba atu foka sai probema Timor nian ba mundu, maibé sira simu konnsekuensia to’o mate. Servisu loron-loron jornalista sira nian, ne'ebe halo kobre informasaun iha fatin-fatin, dala ruma lider balun hare sira ho matan ikun de’it dala ruma mos hirus tan sira,” hatete Prezidente Pártidu Demokrátiku (PD), Mariano Assanami Sabino, antes hato'o nia kompromisiu politiku iha Bobonaro.

Assanami mos lori membru PD no husu deskulpa ba media nasional sira iha Timor laran tomak, karik durante ne'e membru PD ruma halo sala ou diskriminasaun ruma hasoru jornalista sira.

Nia mos konsidera media hanesan klamar ba demokrasia, tanba ne’e kuandu media la iha demokrasia mos la buras, iha prosesu demokrasia media mak sai hanesan kontrolu sosial hodi kontrola prosesu tomak iha nasaun ida ne’e.

"Media sira nia publikasaun provoka diskusaun iha publiku atu bele hanoin lisuk problema sira ne’ebé mosu hodi fo solusaun, tanba ne’e iha demokrasia ida ne’e ema la’os matenek liu ho nune’e ba lideransa nasional to’o povu bain-bain husu atu fo liberdade ba jornalista sira atu bele hala’o knar hanesan kontrolu sosial," dehan Assanami.

Relasiona ho loro liberdade imprensa ne'ebe monu iha loron (02/05), Assanami hato'o parabens no apresia ba jornalista Timoroan sira ne’ebé durante ne’e la’o ho kodisaun la dun diak, maibé ho dedikasaun bele la’o hodi kobre informasaun ba publiku.

Pártido Demokrático Official Website