Assanami : Labele Tula Ibun Ba Xanana-Taur | Partidu Demokratiku

Assanami : Labele Tula Ibun Ba Xanana-Taur

Assanami : Labele Tula Ibun Ba Xanana-Taur


Prezidente Pártidu Demokrátiku (PD), Mariano Assanami Sabino husu ba zerasaun foun sira atu labele tula ibun ba lider nasinal sira hanesan Xanana, Taur, Alkatiri, Horta, Luolo, Lere no sira seluk | Photo Dok: Partidu Demokratiku.

Ermera-Hatolia (30/04/2018) : Prezidente Pártidu Demokrátiku (PD), Mariano Assanami Sabino husu ba jerasaun foun sira atu labele tula ibun arbiru ba lideransa nasional sira hanesan Xanana, Taur, Alkatiri,  Horta, Luolo, Lere no veteranus sira hotu.

Prezidente PD, Mariano Assanami Sabino hatete, maske sira iha frakeza, maibe jerasaun foun sira tenke kontinua tane nafatin sira. Tanta ho sira mak Timor-Leste ukun-an.

"Hau apela ba inan-aman sira liu-liu zerasaun nasionalista sira hotu atu labele tula ibun ba ita nia lider sira, maske nudar umanu sira iha frakeza no ho sira mak ita aprende," hatete Prezidente PD Mariano Assanami Sabino iha nia kompromisiu politiku ba nia militantes no simpatizantes sira iha Ermera-Hatolia.

Assanami mos louva povu Timor laran tomak, tanba durante kampana Eleisaun Antesipada (EA) semana 3 nia laran buat hotu lao diak no nia husu atu kontinua mantein disiplina.

"Apela ba militantes no kuadrus hotu-hotu, liu-liu Partidu Demokratiku atu kontinua ko'opera ho partidu hotu atu kontinua disiplina no paz," dehan Assanami.

Pártido Demokrático Official Website