Assanami, Laos Tempu Insulta Malu | Partidu Demokratiku

Assanami, Laos Tempu Insulta Malu

Assanami, Laos Tempu Insulta Malu

Presidente Partidu Demokratiku (PD), Mariano Assanami Sabino, hato'o nia diskursu ba nia militantes sira iha Munisipiu Manufahi-Fatuberlihu, sesta (23_06)  | Photo Dok: Partidu Demokratiku - Aquadiovisual


23/06/2017

FATUBERLIHU : Iha Kampaña Eleitora, lideransa partidu husi jerasaun tuan komesa insulta malu, maibe Pártidu Demokrátiku (PD), ne’ebe identiku ho partidu jerasaun foun husu ba lideransa partidu liu-liu, lideransa tuan sira atu labele insulta malu, tanba laos ona tempu. 

Presidente Pártidu Demokrátiku (PD), Mariano Assanami Sabino hatete, laiha ona tempu atu insulta malu, maibe hakarak hamutuk hodi halo planu oinsa atu dezenvolve nasaun Timor-Leste iha futuru.

Tuir nia, iha kampaña eleitoral ne’e hanesan momentu importante atu lider partidu politiku sira bele uja hodi hato'o politika no programa partidu nian iha tinan 5 oin mai no uja oportunidade ne'e halo edukasaun sivika ba povu tomak oinsa bele komprende prosesu demokrasia.

Assanami hatutan, ohin loron lider jerasaun tuan sira komesa ke’e no insulta ma malu, maibe hanesan partidu jereasaun foun ne’ebe mak nakonu ho lideransa joven lakoi atu uja oportunidade kampaña eleitoral ne’e hodi insulta lider partidu seluk iha momentu hanesan ne’e.

“Ita iha Pártidu Demokrátiku lakoi atu trata no insulta lider partidu seluk, ita hakarak atu eduka sidadaun hotu atu bele hatene oinsa atu bele hari paz no estabilidade atu eleva dezenvolvimentu iha rai laran, ida ne’e mak ita hakarak,” hatete Assanami bainhira hato'o deklarasaun politika iha kampaña ba dala 4 iha Natarbora, sexta (23/06).

Nia  dehan, PD hanesan partidu ne’ebe mak kontinuador husi obra ne’ebe mak ASDT, FRETILIN no CNRT husik hela atu kontinua liberta povu husi kiak no mukit. Tanba ne’e ita hakarak ka lakoi iha palku politiku PD nian hakarak neutraliza situasaun hotu ne’ebe mak forma hodi destrui situasaun.

“Kuandu ita hare jersaun tuan sira insulta malu no trata malu ita tenke tama hodi neiutraliza, tanba ne’e hanesan partidu jerasaun kontinuador tenke kumpri nafatin palvra ordem husi luta nain sira nia mehi ba povu nia moris diak.

Pártido Demokrático Official Website