Assanami : Media Sai Klamar Ba Demokrasia | Partidu Demokratiku

Assanami : Media Sai Klamar Ba Demokrasia

Assanami : Media Sai Klamar Ba Demokrasia

Pártidu Demokrátiku (PD), Mariano Assanami Sabino | Photo Dok : Partidu Demokratiku

04/07/17

Atsabe : Pártidu Demokrátiku (PD), konsidera Media sai hanesan klamar ba Demokrasia iha nasaun Timor-Leste, tamba liu husi media mak bele desimina informasaun ba publiku hodi bele hatene prosesu dezenvolvimentu iha nasaun ida.

Tuir Presidente PD, Mariano Assanami Sabino hatete, papel media importante tebes tamba ne’e presiza governu tenke investe hodi dezenvolve instituisaun media sira fo kapasitasaun ba jornalista sira atu sira sai ema ne’ebe mak professional hodi bele transmite informasaun ba publiku.

“Pártidu Demokrátiku kuandu ukun ita sei fo subsidiu ba instituisaun media sira atu bele dezenvolve-an, fo osan ba sira atu bele hasa’e salariu jornalista sira nian,” hatete Prezidente Assanami iha Postu Administrativu Atsabe, Munisipiu Ermera.

Assanami hatutan, instituisaun media nasional ne’ebe mak ejiste iha Timor hanesan media eletronika no emprime sira presija, governu atu investe hodi bele hasa’e kualidade jornalista sira ne'ebe servisu iha instituisaun media nasional sira, atu nune’e evita ema balun ne’ebe iha forsa finaseiru labele sosa media hodi utilize ba nia interese politika rasik.

“Ita hakarak tau osan hodi investe iha Media televizaun, Radio no Jornal sira atu nune’e media sira labele depende liu ba iklan sira” dehan Assanami.

Pártido Demokrático Official Website