Assanami : Moderniza Peskador Iha TL | Partidu Demokratiku

Assanami : Moderniza Peskador Iha TL

Assanami : Moderniza Peskador Iha TL


Pártidu Demokrátiku (PD), kompromete sei moderniza peskador sira iha Timor laran tomak, atu bele asesu ba material peska modernu| Photo Dok: Partidu Demokratiku.

Atabae (3/05/2018) : Pártidu Demokrátiku (PD), kompromete sei moderniza peskador sira iha Timor laran tomak, atu bele asesu ba material peska modernu.

Prezidente PD, Mariano Assanami Sabino hatete, iha periode tinan hira liu ba kuandu Ministeriu Agrikultura, fahe ona Ro, Makina Tasi, Redi no Kail, maibé ne’e sei manual tebes, tanba ne’e presiza moderniza

“Kuandu Partidu Dekratiku manan iha Eleisaun Antisipada tinan ida ne’e, ita hakarak fatin sira ne’ebe besik tasi ibun sai sidade peskas,” hatete Prezidente PD, Mariano Assanami Sabino, iha nia kompromisiu Politika ba nia militantes no simpatizantes sira iha Atabae.

Assanami dehan, postu administrativu Atabae besik tasi ibun, tanba ne’e PD hakarak transforma fatin sira ne’e sai fatin peskas nian nune’e bele mobiliza peskador sira bele servisu hodi kontribui ba dezenvolvimentu area peskas nian.

Nia dehan, durante ne’e peskador Timoroan sira halo aktividade peskas ho tradisionalmente, tanba ne’e PD hakarak hari sidade peskas hodi moderniza material peska nian, hanesan ró tenke modernu atu nune’e utiliza hodi kaer ikan.

“Partidu Demokratiku iha programa hakarak atu fo formasaun ba peskador sira atu nune’e bele hatene utiliza ekipamentu modernu ne’ebé uja ba halo peskas nian,” nia dehan.

Assanami hatutan, PD hetan Vitoria iha eleisaun antisipada sei konstrui uma ba peskador no loke fundu ko’operativa atu nune’e sira uja hodi dezenvolve ekonomia familiar nian.

Pártido Demokrático Official Website