Assanami, PD Manan Zumalai Sai Sentru Komersial | Partidu Demokratiku

Assanami, PD Manan Zumalai Sai Sentru Komersial

Assanami, PD Manan Zumalai Sai Sentru Komersial

Prezidente Pártidu Demokrátiku (PD), Mariano Assanami Sabino (Klaran) no Sekreteriu Jeral PD Antonio da Conceicao -Kalohan- (Karuk) ho Prezidente Consellu Politika Nasional (CPN), Adriano do Nascimento (Liman los), antes hahu kampana ih | Photo Dok: Partidu Demokratiku

01/07/17

Covalima : Prezidente Pártidu Demokrátiku (PD), Mariano Assanami Sabino promete ba povu iha munisipiu Covalima, sei sai sentru Comersial, bainhira PD manan hodi ukun tinan lima.

Prezidente PD, Mariano Assanami Sabino hato'o lia hirak ne'e iha komisiu politiku ba militantes no simpatizante iha nia kompromisiu politika iha Postu administrativu Zumalai Municipiu Covalima, Sabado (01/07).

“Ita hakarak dezenvolve Covalima sai fatin prinsipal Comersial espesial, ita rekursu lubuk ida ne’ebe maka liga ba tasi mane no tasi livre, tanba ne’e maka ita hakarak dezenvolve liu liu trasporte maritima diak, iha ne’e ita mos hanoin karik Supply-Base lao iha fatin ne’e, ita  hakarak Supply-Base lao diak ho dignu no dezenvolimentu labele diak ba nia  a’an, atu halo uma andar no halo estrada ba nia a’an mais nia tenke refrelata intrega a’an ba povo nia moris,” hatete Assanami.

“Ita hakarak dezenvolve Covalima sai sidade prinsipal tanba rikusoin lubuk ida iha nia kabun laran, Covalima maka liga ba fronteita ba tasi mane, ne’ebé maka reprezenta ikan barak no ikan bo-bo’ot,” nia dehan.   

Tuir nia, durante ne’e osan barak mak soe hela iha tasi, tanba peskador illegal sira lao livre no to’o balun too iha Australia mak ema kaer.

“Uluk ita dehan, ita lakon osan korenta Miliaun kada tinan-tinan, lakon tanba ema foti.  Maibe ita la koalia kona ba foti ikan sira foti bele liu ida ne’e entau, ita hakarak dezenvolimentu Covalima sai fatin prinsipal Comersial espesial.” nia dehan.   

 

Pártido Demokrático Official Website