Assanami Promete Loke Banku ba Veteranus | Partidu Demokratiku

Assanami Promete Loke Banku ba Veteranus

Assanami Promete Loke Banku ba Veteranus

Prezidente Pártidu Demokrátiku (PD), Mariano Assanami Sabino, bainhira hato'o nia kompromisiu politiku ne'ebe halao iha Munisipiu Ainaro-Villa, Sexta (30-06) | Photo Dok: Partidu Demokratiku

30/06/17

Ainaro : Prezidente Pártidu Demokrátiku (PD), kompromete loke banku  ba veteranus sira iha Timor-Leste laran tomak hodi dignifika luta nain sira, nia luta iha prosesu ba libertasaun, bainhira povu fiar no fo votus ba Pártidu Demokrátiku (PD), iha loron 22, fulan Julhu hodi ukun. 

Prezidente Pártidu Demokrátiku (PD), Mariano Assanami Sabino hato'o lia hirak ne'e iha komisiu politiku ba militantes no simpatizante iha Munisipiu Ainaro-Villa, (30/06).

Tuir Prezidente PD, dalan ba ukun rasik-an liu husi prosesu ne’ebe naruk, ema barak terus no mate. Maibe iha luta ida ne’e sira la halo komprimisu ba nia estadu kuadu liberta-an sei selu luta nain sira nia kolen. Maibe pensaun ne’ebe mak governu fo atu dignifika sira hodi bele hadia ekonomia uma laran.

Nia dehan, iha tempu rejistesia, luta nain sira nia vida dedika hotu ba luta. Tamba ne’e laiha tempu sira atu asesu ba edukasaun iha independensia ne’e. Veteranus presiza hadia moris liu husi subsidiu ka loke banku ba sira, atu nune'e  sira bele haruka sira nia oan ba eskola.

"Ita hakarak loke banku ba veteranus sira atu nune’e bele rai osan atu nune’e nia funan bele uja hodi selu oan ba eskola no halo buat seluk,” hatete Prezidente PD, Mariano Assanami Sabino.

Banku banku veteranus ne’ebe PD planeia ona atu implementa ne’e, veteranus sira atu rai nia osan hodi kada fulan-fulan, sira bele simu fali ninian nune’e mos kuadu sira mate nia oan no bei-oan sira bele kontinua simu atu sira bele hatene no dignifika luta nia aman sira halo ba rai ne’e.

Nia hatutan, ohin loron partidu politiku balun politija veteranus sira husu atu vota ba sira para hasa’e veteranus sira nia osan maibe partidu demokratiku afirma katak naran veteranus ne’e lulik kompensasaun ne’e merese para sira atu hetan.

“Ita la iha tavar menavar konaba kompensasaun veteranus. Tamba ne’e Pártidu Demokrátiku sei dignifika sira iha tempu ne’ebe deit, kuadu ita hari banku veteranus sira rai nia osan ne’e, sei ba nia oan to’o beioan sira bele asesu nafatin,” dehan Assanami.

Nia hatutan, politika no programa fo pensaun ba Veteranus sira ne’e mai husi politika PD nian, tanba ne’e atu garantia nafatin programa ne’e nia sustentabilidade so uniku PD mak bele realiza.

“Husu ba kompañeru hotu la’os ne’ebe mak iha PD no ba sira ne’ebe mak iha partidu FRETILIN, CNRT, ASDT no partidu seluk atu bele vota ba PD atu bele realiza program ne’ebe mak PD planeia ona,”  hatete Assanami.

Pártido Demokrático Official Website