Assanami : Ukun Laos Fahe Oportunidade | Partidu Demokratiku

Assanami : Ukun Laos Fahe Oportunidade

Assanami : Ukun Laos Fahe Oportunidade


Diskursu Prezidente PD, Mariano Assanami Sabino| Photo Dok: Partidu Demokratiku

Manatuto (27/04/2018) : Pártidu Demokrátiku (PD), hanesan jerasaun kontinuador ne’ebé mosu hodi sai hanesan alternativa atu hatutan obra eroi sira funu nain sira nian, tamba ne’e ukun laos oportunidade atu sai Ministru ka Deputadu.

Prezidente Mariano Assanami Sabino hatete,  PD ukun la’os atu fahe oportunidade hodi hetan kadeira ministru ka deputadu, maibe PD hakarak atu ukun hodi fahe responsabilidade hodi konstrui povu nia moris.

Fundadores no militantes ne’ebé uluk funda partidu ne’e ohin loron balun mate ona maibé partidu ne’e bo’ot ba bebeik ona tanba ne’e tenke esforsu-an hodi habo’ot tan.

“Ba imi ne’ebé uluk funda PD iha tempu defisil nia laran, maibé ohin loron Partidu komesa bo’ot ba dadaun ona. Imi hili dalan seluk hodi husik partidu ne’e hodi fo apoiu ba partidu seluk nia Vitoria. Hau husu ba imi ne’ebé husik ona PD ba Partidu seluk, tanba situasaun ruma mak ejije, ohin loron imi balun hakarak fila mai fali iha uma knua demokratiku dalan nakloke ba imi tomak. Imi ne’ebé investe ona ba PD,  la’os tanba imi nia aan rasik, maibé ne’e investimentu ne’ebé investe ba oan no bei aon sira tuir mai atu hamahon iha ne’e hodi diskute no debate futuru nasaun,” hatete Mariano Assanami Sabino, iha nia kampana, kampu Manatuto. 

Assanami dehan, PD sai alternativa ba futuru iha periode dahuluk PD hamutuk ho FRETILIN, ASDT, PSD, no sira seluk Produs konstitusaun da Republika ohin loron seluk mate hotu ona hela de’it mak PD ho FRETILIN iha uma fukun Parlamentu Nasional.

Tinan lima iha opozisaun no tinan 10 ukun hamutuk ho AMP no ohin loron ukun tan ho FRETILIN iha fulan 6 nia laran, PD koñese ona ukun no maduru ona iha politika, tanba ne’e prontu ona ukun iha tempu ne’ebé de’it.

Jerasaun foun sira ne’ebé iha PD maduru ona iha politika tanba ne’e husu atu hotu-hotu tenke hatene jere nia diferensia ne’ebé mak iha hodi lori partidu ne’e ba susesu iha futuru la’os atu fahe malu.

“Tempu ohin loron atu suporta malu hodi jere diferensia sira ne’ebé  iha la’os ona tempu atu ita fahe malu,” Assanami dehan.

Pártido Demokrático Official Website