Biar iha dezafiu PD La-hakiduk | Partidu Demokratiku

Biar iha dezafiu PD La-hakiduk

BIAR IHA DEZAFIU PD LA-HAKIDUK

Prezidente Pártidu Demokrátiku (PD) Mariano Assanami Sabino | Photo Dok : Partidu Demokratiku (11-11-2017)

Dili : Partidu Demokratiku (PD) ohin loron sabadu, 11 de Novembru 2017 halo enkontru alargada hodi reafirma nia pozisaun no laloran politika nebe'e durante ne'e depois de eleisaun prezidensial no parlamentar tinan 2017.

Ba kuadru no estrutura husi Munisipios to'o Nasional nebe'e marka prezensa iha enkontru nebe'e halao iha Salaun Canosa Becora Dili, Prezidente Partidu Democratico esklarese katak, PD depois de eleisaun parlamentar hatu’ur nia vizaun politika dezde hari’i Partidu nee maka oinsa atu tane Estado Timor-Leste sai maduro no harii Unidade Nasional entre lider sira hodi halo dezemvolvimentu ba povu.

Hata'an kona ba situasaun politika nebe'e durante nee strutura lideransa nasional foti, nudar Prezidente Partido iha responsabilidade atu hola desizaun politika nebe'e diak ba interese Estado no Povu ida nee, tamba ne'e kona ba konsistensia politika PD nian klaru husi inisiu to'o agora " PD nia desizaun no pozisaun politika firme dala ida deit, tafui ona sei la lambe fali no desizaun nebe' e PD foti hodi halo koligasaun ho Fretilin sei la hakiduk ba kotuk tamba koligasaun PD ho Fretilin nudar responsabilidade, laos oportunidade " Tenik Assanami.

Nia rekonhese katak iha prosesu politika sempre hasoru dezafios maibe sempre halo kontaktu ho estrutura partidu no foti desizaun koletiva ho dialogu maka alternativa diak hodi rezolve problema. Tamba nee nia husu atu hotu-hotu bele fo hanoin hodi hadia partidu ba oin. (DGuimarães).

Pártido Demokrático Official Website