Dezenvolve Letefoho Sai Sidade Kafe Antiga | Partidu Demokratiku

Dezenvolve Letefoho Sai Sidade Kafe Antiga

Dezenvolve Letefoho Sai Sidade Kafe Antiga

Antes halao kampana eleitoral iha Munisipiu Ermera, Postu Adminsitrativu Letefoho, Prezidente Pártidu Demokrátiku (PD), Mariano Assanami Sabino, vizita komunidade hodi hare direta makina dulas kafe modelu manual, iha Letefoho | Photo Dok : Partidu Demokratiku

06/07/17

Letefoho : Prezidente Pártido Demorátiku (PD), Mariano Assanami Sabino, promete atu dezenvolve Letefoho sai sidade Kafe Antiga iha Timor-Leste, bainhira manan iha Eleisaun Parlamentar (ElPar), hodi ukun tinan lima.

Prezidente Pártidu Demokrátiku (PD), Mariano Assanami Sabino hato'o lia hirak ne'e iha komisiu politiku ba militantes no simpatizante iha kampaña eleitoral iha munispiu Ermera, Postu Letefoho (05/07).

“Dezenvolimentu primeiru ne’ebe maka ita harakak halo ba Letefoho mak dezenvolve Letefoho, nafatin sidade tuan, sidade kafe no sai sidade ida ne’ebé ke furak para dada turista mai iha ne’e." Dehan Assanami. 

Tuir Prezidente PD,  kafe letefohe reprezenta ona Timor iha rai liur. Maibe naran ema la tau kafe Letefoho, maibe ho nia morin ne'e hatudu katak kafe ne'e mai husi Timor. 

“Tanba ne’e ba oin ita hakarak hari fabrika iha fatin-fatin atu produs rasik kafe maka ita fa’an ba rai liur laos fa’an ho nia kulit ne’e  folin tun," nia dehan.   

Atu dada turista mai iha Letefoho, prioridade primeiru maka infesturutura  tenke hadia estrada ho alkatraun laos ho estada loke ba loke mai. 

"Ita nia kafe mos  tama ona iha merkado Japaun ne’ebe ho naran Peace Kaffe. Maibe la tau ita nia logo, maibe ita agradese tanba ema Japaun kuñese oan Letefoho. Tinan ne’en liu ba ami tau osan ba estrada ba Ermera, aprova iha Parlamentu Nasional atu uja hadia estrada ba Eremera-Letefohe, maibe estada foin mak to’o iha Gleno," nia dehan.

Pártido Demokrático Official Website