Dezenvolve Likisa Sai Zona Industria | Partidu Demokratiku

Dezenvolve Likisa Sai Zona Industria

Dezenvolve Likisa Sai Zona Industria


Militantes no simpatizantes Pártidu Demokrátiku (PD), antusiasmu hodi partisipa kampana PD iha Munisipiu Ermera, iha loron 29, fulan April, hodi hein festa demokrasia Eleisaun Antesipada (EA).| Photo Dok: Partidu Demokratiku

Likisa (29/04/2018) : Pártidu Demokrátiku (PD), iha ona politika atu transforma Munisipiu Likisa sai Zona Industria nasional atu nune’e bele dada investidor sir mai iinveste hodi loke indusrtia hodi  loke kampu servisu ba foin sa’e Timoroan sira ne’ebé mak hakarak atu servisu.

Prezidente PD Mariano Assanami  hatete, governu oras ne’e dadaun konstrui ona portu nasional iha Tibar, tanba ne’e Munisipiu Likisa sei sai hanensan odamanta bo’ot ba ekonomia Timor nian.

“Likisa ita planu ona atu sai zona industria nasional sai mos hanesan odamatan bo’ot ba ekonomia Timor nian tanba ita loke ona portu nasional iha Tibar,” hatete Prezidente PD Mariano Assanami Sabino  iha kampana PD, iha kampu Likisa.

Nia dehan, munisipiu Likisa potensial tebes ba fatuk marmer no magnesium, tanba ne’e presiza  dada investodor sira mai investe hodi produs no transforma sai ajuleju no osan mean no mutin.

Oras ne’e daudaun hahu husi Tibar industria barak mak loke ona iha ne’eba, tanba ne’e PD sei esforsu nafatin hodi dada investidor sira mai investe iha kulaker industria ne’ebé mak bele fo servisu ba jovens sira nune’e bele hatama mos retornu ba kofre estadu.


Pártido Demokrático Official Website