Dezenvolve Turiskai Sai Sidade Espesial | Partidu Demokratiku

Dezenvolve Turiskai Sai Sidade Espesial

Dezenvolve Turiskai Sai Sidade Espesial

Prezidente Pártido Demorátiku (PD), Mariano Assanami Sabino | Photo Dok: Partidu Demokratiku

 

28/06/17

Turiskai : Prezidente Pártido Demorátiku (PD), hakarak dezenvolve Munisipiu Manufahi, Postu Administrativu Turiskai sai sidade espesial iha Timor-Leste ho naran Francisco Xavier do Amaral no Nicolão Lobato, bainhira povu fiar no fo votus ba Pártidu Demokrátiku (PD), hodi ukun tinan lima. 

 

Prezidente PD, Mariano Assanami Sabino hatete, Turiskai naran bo’ot iha mapa Timor-Leste, tamba ne’e PD promete atu dezenvolve Turiskai sai sidade espesial, tanba Turiskai nudar fatin historiku ba Prezidente dahuluk no Proklamador Independensia Francisco Xavier Amaral no Nicolão dos Reis Lobato ne’ebe hakotu nia  iha Turiskai loron 31 Fulan Dezembru 1978.

 

“Avo Xavier ho Nicolau lobato tanba Avo Xavier sai Prezidente Primeiru Timor Leste nian no Nicolão  Lobato sai Prezidente Segudo Timor-Leste nian, ne’e mate iha Turiskai tanba ne’e ita hakarak Turiskai sai postu administrativu Espesial ba Avo Xavier no Nicolão  Lobato,” hatete Assanami ba nia militantes sira iha Turiskai, kuarta (28/06). 

 

Tuir Assanami, fatin ne’e nudar rai moris fatin Prezidente dahuluk, Francisco Xavier do Amaral ne’ebé maka ohin la iha ona, maibe nia ema ida ne’ebe nia sei joven no deklara hamutuk ho lider lubuk ida inklui Nicolão Lobato deklara Timor-Leste sai nasaun demokrátiku iha loron 28 de Dezembru okupasaun Indonesia.

 

Pártido Demokrático Official Website