Elvina : PD Ukun, Loke Óspital Espesial Ba Difisiente | Partidu Demokratiku

Elvina : PD Ukun, Loke Óspital Espesial Ba Difisiente

Elvina : PD Ukun, Loke Óspital Espesial Ba Difisiente


Prezidente Organizasaun Mulher Demokratiku (OMD), Pártidu Demokrátiku (PD), Abina Sousa Carvalho hato'o nia kompromisiu politiku ba nia militantantes no simpatizantes iha kampu Futebol, postu administrativu Gleno, Munisipiu Ermera| Photo Dok: Partidu Demokratiku.

Ermera-Gleno (29/04/2018) : Pártidu Demokrátiku (PD), sei valoriza no dignifika defisiensia sira, tanba ne'e Pártidu Demokrátiku (PD), kompromete ba povu iha Munisipiu Ermera atu loke Óspital ba defisiente atu nune'e tratamentu ba difisiente tenke espesial.

Prezidente Ogranizasaun Mulher Demokratiku (OMD), Elvina Sousa Carvalho hatete, maske iha Timor iha ona Centro Nasional Rehabilitasaun no Organiasaun oin-oin ba ema difisiente sira, maibe PD hakarak loke tan Óspital ida, hodi fo atendimentu espesial ba difisiente sira, wainhira povu fiar no fo votus ba PD iha loron 12 fulan Maio hodi ukun.

"Tempu to'o ona atu hare maluk difisiente sira atu kria nessesidade espesial hodi fo tratamentu ba difisiente sira. Tanba ne'e Pártidu Demokrátiku sei halo ida ne'e," hatete Prezidente Organizasaun Mulher Demokrátiku (OMD), Elvina Sousa Carvalho, iha nia kompromisiu poltiku ba nia militantes no simpatizantes sira iha Ermera.

Prezidente OMD ne'e mos husu ba povu atu vota ba PD atu lori nasaun ne'e ba oin atu nune'e povu hotu bele sente ukun rasik-an liu husi dezenvolvimentu ne'e lolos. Partidu iha politika ne’ebe mak hakarak atu dignifika defisiente sira atu asesu ba dezenvolvimentu nasional.

Elvina mos husu ba familia difisiente sira iha Timor laran, atu labele halo diskriminasaun ba ema ho defisiensia, tanba ne’e politika PD nian hakarak atu loke Óspital ne’ebe kualidade diak atu bele atende ba maluk defisiensia sira, maske sira defisiente. Tenke atende sira ho dignu hanesan ho sidadaun sira seluk ne’ebe mak moris normal.

“Politika atendimentu ba ema ho defisiente sira ita la’os foun mak hanoin, maibe uluk kedas La-Sama sei moris,” dehan Elvina.

Iha fatin hanesan Prezidente PD, Mariano Assanami hatutan katak, maske sira hanesan defisiente, maibe sira kontinua forma grupu hodi kapasita, hodi bele servi-an rasik. tanba ne’e iha PD nia ukun iha AMP sempre fo nafatin apoiu ba maluk desiente sira liu husi apoiu treinamentu, finansa hodi haforsa sira nia organizasaun atu sira bele hadia sira nia vida moris ekonomia.

“Maske sira ema ho defisiensia, maibe la dependente ba ema, tanba ne’e ita hakarak kria kondisaun ba sira atu nune’e sira bele moris ho dignu,” dehan Assanami.

Pártido Demokrático Official Website