Ema Balun Politiza Fahe Trator Gratuita | Partidu Demokratiku

Ema Balun Politiza Fahe Trator Gratuita

Ema Balun Politiza Fahe Trator Gratuita

Presidente Partidu Demokratiku (PD), Mariano Assanami Sabino ho Sekretariu Jeral Komisaun Politika Nasional Partidu Demokratiku (PD), Alito Rambo iha nia kampana datoluk iha Munisipiu Viqueque (22-06) | Photo dok Partidu Demokratiku

22/06/17

Viqueque : Iha tempu Aliansa Maioria Parlamentar (AMP), Presidente Partido Demokratiku (PD), Mariano Assanami Sabino asume kna’ar nudar Ministro Ministro Agrikultura no Peska (MAP), ho nia programa ne’ebe fahe trator gratuita ba povu agrikultura atu uja fila rai hodi kuda produtu lokal. Maibe oras ne’e ema balun politiza fali dehan fahe deit trator ba Militante PD.

  Sekretariu Jeral Komisaun Politika PD Alito Rambo hatutan, iha Tempo AMP, Assanami ne’ebe asume kargu nudar Ministru Agrikultura no Peskas (MAP), kuandu fahe trator ba povu agrikultura atu hasae produsaun aihan atu asegura seguransa alimentar atu diminui produtu hanesan fos husi rai liu mai Timor. 

“Uluk kuandu ita fahe traktor ema dehan ita fo deit ba militante PD sira deit. Tanba ne’e ema halo kritika barak” hatete Sekretariu Jeral Komisaun Politika PD Alito Rambo iha nia kampana datoluk , iha Munisipiu Viqueque Villa-Kampu Beloi, Kinta (23/06).

Iha fatin hanesan Presidente PD, Mariano Assanami Sabino hatete, ema balun politiza katak fahe trator gratuita ne’e ba militantes PD deit, maibe realidade hatudu katak trator sira ne’e laos ba militantes PD, maibe ne’e ba povu agrikultor tomak ne’ebe ho vida moris depende ba to'os no natar. 

Assanami dehan, povu agrikultura sira hasae ona produsaun agrikultura iha rai laran, PD kompromete sei sosa povu nia produtu iha to’os laran,sei la husik povu leba produtu sira la’o tama merkadu. Wainhira povu fiar no fo votus iha Eleisaun Parlamentar (ElPar).

“Reseitas mina no gas ne’ebe ohin loron Timor-Leste iha hakarak ka lakoi tenke investe iha setor produtivu sira hanesan agrikultura atu nune’e bele iha futuru bele hatama reseita mai iha kofre estadu atu bele dudu fali setor seluk,” nia dehan.

 

Pártido Demokrático Official Website