Fahe Trator Gratuita | Partidu Demokratiku

Fahe Trator Gratuita

PD Sei Kontinua Fahe Trator Gratuita ba Agrikultor Manatuto


Prezidente Pártidu Demokrátiku (PD), Mariano Assanami Sabino promete, sei kontinua fahe trator gratuita ba povu Agrikultor Manatuto| Photo Dok: Partidu Demokratiku.

Manatuto (27/04/2018) : Prezidente Pártidu Demokrátiku (PD), Mariano Assanami Sabino promete, sei kontinua fahe trator gratuita ba povu Agrikultor Manatuto no munisipiu sira seluk atu dezenvolve setor agrikultura, wainhira povu fiar no fo votus ba PD iha loron 12 fulan Maio hodi ukun. 

Setor agrikultura desde uluk sai hanesan planu prioridade ba PD nian, tanba ne’e kompromete sei kontinua atu dezenvolve setor ida ne’e atu bele hasa’e produtu lokal hodi hamenus produtu importasaun husi nasaun seluk.

“Kuandu imi fó fiar ba Partidu Demokratiku, sei kontinua programa politika fahe  trator ba povu agrikultor sira iha munisipiu Manatuto atu dezenvolve setor agrikultura,” hatete Mariano Assanami Sabino, iha nia kampana, kampu Manatuto.

Assanami dehan, Iia governasaun AMP liu ba husi programa PD, nian konsege konstrui irigasaun bobot iha Tono Oekuse, Maliana no Manatutu, Suai tanba ne’e ba oin PD kuandu manan sei alarga tan dezenvolvimentu setor agrikultura ba munisipiu seluk.

Tuir Assanami, durante ne’e ema barak kestiona politika fahe traktor ba povu agrikultor sira iha munisipiu, maibé ho konsistensia politika hodi moderniza povu agrikultura husi tradisional ba modernu.

“Ita tenke moderniza povu agrikultor sira liu husi ekipamentu modernu sira hanesan trator no ekipamentu sira seluk,” Dehan Assanami.

Durante ne’e ema barak preokupa katak trator ne’ebé uluk Ministeriu Akrikultura fahe ne’e ba de’it militantes PD nian, maibé atu reafirma katak trator hirak ne’ebé uluk fahe ne’e ba povu agrikultura.

Aliende ne’e ema balun mós kestiona katak trator ne’e fahe fali ba ema sira ne’ebé hela iha foho leten, maibé atu hatete de’it katak agrikultor sira ne’ebé iha natar maibé sira la halo natar.

“Povu sira ne’ebé iha foho leten mak tun mai halo natar hodi fahe de’it produtu ho natar nain sira tanba ne’e sira ne’ebé hela iha foho leten mos bele hetan trator ne’e,” nia hatete. 

Maske ema barak kestiona politika fahe traktor maibé PD kompromete kuandu manan sei nafatin fahe trator ba povu atu bele fila rai hodi kuda produtu lokal.

“Partidu Demokratiku durante ne’e halo ona buat ruma ba povu agrikultor iha Manatutu tanba ne’e imi rasik mak sente prosesu balun ne’ebé konse ami halo ona ba imi,” nia dehan. 

Tuir Kandidatura ba Membru Parlamentu Nasional (PN), husi Munisipiu Manatutu Enriqueta da Silva hatete, Munisipiu Manatutu iha potensialidade ba agrikultura tanba ne’e foin sa’e Manatutu oan sira atu badinas tama iha natar no toos hodi halo produsaun.

“Maubere oan pronto servi maibé labele kolia de’it tenke halo asaun ruma hodi dezenvolve ka hari nasaun husi baze” Dehan Henriqueta iha kampu futebool Munisipal Manatutu horseik.     

Pártido Demokrático Official Website