Fahe Trator Gratuita ba Agricultor Sira | Partidu Demokratiku

Fahe Trator Gratuita ba Agricultor Sira

Fahe Trator Gratuita Ba Agrikultor Sira, Vota PD


Presidente Partidu Demokratiku Eng. Mariano ASSANAMI Sabino foto iha kampanha aberta PD iha tono | Photo Dok: Partidu Demokratiku

Oecusse (10/03/2018) : Atu kontinua fahe trator gratuita ba povu agrikultores sira iha Timor lana tomak, atu uja fila rai hodi kuda produtu lokal, vota ba Pártidu Demokrátiku (PD).

Prezidente PD Mariano Sabino hatete, wainhira povu fiar no fo nia votus ba PD manan iha Eleisaun Antesipada (EA), iha loron 12, fulan Maio hodi ukun tinan lima, sei kontinua fahe trator gratuita no sei moderniza setor agrikultura atu orienta aihan ba merkanu no mos garante soberania aihan nian.

Eis Ministro Agrikultura no Peskas (MAP), ne’e dehan, setor agrikultura desde uluk sai hanesan planu prioridade ba PD nian, tanba ne’e kompromete sei kontinua atu dezenvolve setor ida ne’e atu bele hasae produtu lokal hodi hamenus produtu importasaun husi nasaun seluk.

“Kuandu imi fó fiar ba Pártidu Demokrátiku, sei kontinua programa politika fahe trator ba povu agrikultor sira atu dezenvolve setor ne’e,” hatete Prezidente PD Assanami iha nia kampana dahuluk, Munisipiu Oecusse, Tono.

Nia dehan, iha governasaun AMP liu husi programa PD nian konsege konstrui irigasaun bobot iha Tono Oecusse, Maliana, Manatuto, Viqueque. Tanba ne’e ba oin PD kuandu manan sei alarga tan dezenvolvimentu setor agrikultura ba munisipiu seluk.

Assami hatutan katak, durante ne’e ema barak kestiona politika fahe trator gratuita ba povu agrikultor sira iha munisipiu. Maibé ho konsistensia politika hodi moderniza povu agrikultura husi tradisional ba modernu.

Ema barak kestiona, tanba MAP dehan sira fahe trator ba deit nia Militantes PD nian no fahe fali ba ema sira ne’ebé hela iha foho leten, maibé atu hatete de’it katak agrikultor sira ne’ebé iha natar maibé sira la halo natar.

“Fahe trator gratuita ba Militantes PD nian ne’e bosok. Maibe ita fahe ba pou agrikultores sira hela iha foto leten, tanta povu barak liu hela iha foho mak tun mai halo iha rai tetuk,” Informa Assanami.

Nia hatutan tan katak, maske ema barak kestiona politika fahe traktor. Maibé PD kompromete kuandu manan sei kontinua nafatin fahe trator ba povu atu bele fila rai hodi kuda produtu lokal.

Pártido Demokrático Official Website