Halakon Funsionariu Kontratadu, Vota ba PD | Partidu Demokratiku

Halakon Funsionariu Kontratadu, Vota ba PD

Halakon Funsionariu Kontratadu, Vota ba PD

Prezidente Pártidu Demokrátiku (PD) Mariano Assanami Sabino hakuak hela katuas ida ho hato'o komisiu politiku ba militantes no simpatizante iha kampaña eleitoral iha Suku Tumun-Oesilo, Oecusse, Sesta | Photo Dok : Partidu Demokratiku

14/07/17

TUMIN : Timor-Leste ukun-an tinan 15, maibe oras ne’e Funsionariu Publiku (FP) no professores kontratadu kontinua aumenta ba bei-beik. Tamba ne’e, bainhira povu fiar no fo votus ba Pártidu Demokrátiku (PD) ukun tinan lima mai, sei lahakon funsionariu kontratadu.

Prezidente PD, Mariano Assanami Sabino hatete, kuandu PD mak ka'er ukun iha periodu 2017 to’o 2022, sei laiha tan funsionariu kontratadu.  

"So Partidu Demokratiku, de'it mak sei halo ida ne'e. Ne'e PD nia programa no laiha partidu seluk mak koalia ida ne’e,” Prezidente PD, Mariano Assanami Sabino hato'o lia hirak ne'e iha komisiu politiku ba militantes no simpatizante iha kampaña eleitoral iha Suku Tumun-Oesilo, Oecusse, Sesta (14/07).

Eis Ministru Agrikultura no peskas ne’e hatutan katak, aliende halakon funsionariu kontratadu, PD mos sei hasa'e salariu funsionariu sira, inklui profesores sira. 

Nia haktuir, dala barak profesores fo sira nia vida hodi hanorin, nudar heroi.  Maibe sira kontinua ho salariu ne'ebe ki'ik. PD sei halo ida ne'e mos atu profesores sira bele moris ho dia no dignu. 

Pártido Demokrático Official Website