Hari'i Eskola Agrikula Iha Maubisse | Partidu Demokratiku

Hari'i Eskola Agrikula Iha Maubisse

Hari'i  Eskola Agrikula Iha Maubisse

Prezidente Pártidu Demokrátiku (PD), Mariano Assanami Sabino, bainhira hato'o nia kompromisiu politiku ne'ebe halao iha Munisipiu Ainaro, Postu Administrativu Maubisse (29/06)  | Photo Dok: Partidu Demokratiku

 

29/06/17

Maubisse : Pártidu Demokrátiku (PD), promete sei hari'i eskola Agrikula iha Maubisse,  bainhira kaer ukun iha periodu 2017-2022.

Prezidente Pártidu Demokrátiku (PD), Mariano Assanami Sabino promete lia hirak ne'e iha komisiu politiku ba militantes iha Munisipiu Ainaro, Postu Administrativu Maubisse (29/06).

Ema numeru ida iha PD hatete, sei hari'i eskola agrikula, tamba Maubisse potensial liu ba modo liu-liu Repolho, Koto, Fehuk Ropa no Kafe. Atu nune'e bele atende produsaun barak liu tan ho kualidade ne'ebe diak. 

“Ita sei loke instituisaun eskola agrikula aban bainrua, hari'i iha Maubisse  atu atende ba produsaun agrikula, atende produsaun koto atu barak liu tan ho kualidade," hatete Assanami.

Tuir Prezidente ne'e katak, hari'i eskola agrikola atu fasilita inan-aman sira hodi servisu iha baze, PD iha programa ne'ebe mak diak iha area agrikola no industria nian atu bele halo produsaun ba aihan no kafe hodi halo mos Timor-Leste sai sentru exportsaun ba nasaun seluk.

 

Pártido Demokrático Official Website