Jerasaun Foun Labele Fa'an Istoria Hodi Buka Votus | Partidu Demokratiku

Jerasaun Foun Labele Fa'an Istoria Hodi Buka Votus

ASSANAMI : Jerasaun Foun Labele Fa’an Istoria Buka Votus


Presidente Partidu Demokratiku Eng. Mariano ASSANAMI Sabino Diskursu iha kampanha aberta PD iha Postu Administrativu Iliomar | Photo Dok: Partidu Demokratiku

Iliomar (12/04/2018) : Jerasaun foun ne’ebe uja Katuas sira nia naran hodi buka votus iha Eleisaun Parlamentar (ElPar), ne’e laiha moral. Maibe hanesan jerasaun foun tenke uja nia matenek halo programa hodi sai membru Parlamentu Nasional (PN) no membru Governu.

Tamba ne’e Prezidente Pártidu Demokrátiku (PD), Mariano Assanami Sabino husu ba jerasaun foun sira atu uja nia matenek hodi buka kadeira, la’os iha inan-aman sira nia oin, konta fali Istoria katuas sira nian.

“Nudar jerasaun foun sei tau aman sira iha fatin hodi respeitu. Maibe jerasaun foun balun ne’ebé matenek mai uja fali aman sira nia Istoria hodi manan votus. Ne’e la iha moral,” hatete Prezidente PD Assanami iha nia kampana daruak iha, Munisipiu Lospalos, Postu Administrativo Iliomar.

Assanami dehan, hanesan zerasaun foun ne’ebé matenek mesak dotor tenke, uja nia matenek hodi halo programa hodi fa’an ba povu atu bele hetan votus. Labele halo fali aproveitamentu ba istoria aman sira nian hodi manan votus atu atinje objektivu politiku ba kaer poder.

Tuir nia, PD hanesan jerasaun FRETILIN no jerasaun FALINTIL, oan husi maun Bo’ot Xanana Gusmão, Lere Anan Timur, Lu-Olo Mari Alkatiri, Jose Ramos Horta no luta nain sira seluk.

“Partidu Demokratiku luta nain sira nia jerasaun iha komitmentu atu kontinua obra sira hodi halo dezenvolvimentu hodi hasai povu husi kiak no mukit,” dehan Assanami.

Pártido Demokrático Official Website