Jerasaun Foun Labele Fo Todan Ba Xanana | Partidu Demokratiku

Jerasaun Foun Labele Fo Todan Ba Xanana

Jerasaun Foun Labele Fo Todan Ba Xanana

Sekretariu Jeral Pártidu Demokrátiku (PD), António Conceição -Kalohan- basa liman hafoin tuir kampana iha Munisipiu Manatuto (25-06)| Photo Dok: Partidu Demokratiku

25/06/17

MANATUTO : Jerasaun foun labele fo todan ba maun bo'ot  Xanana Gusmão.  Maibe hanesan jerasaun foun tenke simu responsabilidade atu hakma'an todan ne'ebe sira tula iha kaba'as.

Sekretariu Jeral Pártidu Demokrátiku (PD), António Conceição "Kalohan" hatete, PD bolu maun tanba PD laos buka foin halo maun ho alin. Maibe, liderasan sira iha PD hatene ona interpreta saida mak mau sira hanoin, hodi lori nasaun ne'e ba ukun-an.

"Kayrala ita nia maun duni kedas. Iha tempu ne’ebe mak sei difisil. Ita ida-idak hola responsabilidade ba ita nia nasaun. Laos tau ba dehan, buat ne’ebe mak maun sira halo ne’e seidauk diak, nia mak tenke halo nafatin. Ida ne’e mak dehan, ita fo nafatin todan ba maun. PD hamri’ik atu hakama-an, todan ne’ebe mak maun sira lori desde ukun-an, husi tempu rejistensia to’o mai ita ukun-an," hatete Sekretarriu Jeral  Pártidu Demokrátiku iha ninia kampaña ba dala 6, iha munisipiu Mantuto (25/06).

Nia dehan,PD hamrik hodi forsa rasik, kontak ho povu nia apoiu liu husi Eleisaun Parlamentar (ElPar), iha loron 22 fulan Julhu, bainhira hetan fiar husi povu sei hakma’an todan ne’ebe mak oras ne’e, sira seluk sei kanta iha fatin-fatin katak so maun deit mak bele. Maibe ida ne'e tanba sira la brani, sira atu halo buat ida ba rai ne'e.    

"Ne’e tanba sira la brani atu halo. Tanba sira la brani atu halo. PD afirma desde tinan 2001, bainhira partidu ne’e hamri’ik. Katak sidadaun ida-idak tenke hola responsabildiade ba ita nia nasaun. Tanba ne’e ita hotu-hotu tenke senti sidadaun, tanba bainhira ita buka atu la halo, ita mos dehan kuandu halo ladiak, halo la hotu, sira mak dehan halo la los," hatete Kalohan.

"Ne’e mak iha sira seluk nia hanoin, maibe PD hamrik duni ho keyakinan ka  konviksaun, katak nia tenke partisipa duni iha ukun ida ne’e atu hakama'an no lori dezenvolvimentu ba nasaun ida ne’e. Atu promove nafatin demokrasia iha ita nia rain. Tanba nasaun ida ne’e, labele sai aman ba ema ida deit. Aman iha duni, maibe aman ida ne’e labele hola buat hotu-hotu ba nia-an mesak deit," dehan Kalohan.

Pártido Demokrático Official Website