Kalohan : Partido Balun Nega Obra PD | Partidu Demokratiku

Kalohan : Partido Balun Nega Obra PD

Kalohan : Partido Balun Nega Obra PD

Diskursu Sekretariu Jeral Partidu Demokratiku (PD), Antonio Conceicao _Kalohan_ ba dala ikus iha Heliport, Suco Bairo-Pite Municipio Dili Kuarta (19_07)| Photo Dok : Partidu Demokratiku

19/07/2017

Dili : Sekretariu Jeral (SekJen) Pártidu Demokrátiku (PD), Antonio da Conceicao “Kaloha” kritika Partido balun ne’ebe durante kampana eleitoral, halo promosaun hodi nega obra husi Pártidu Demokrátiku.

Sekretariu Jeral (SekJen) PD hato’o lia hirak ne’e liu husi nia komisiu politiku ba dala ikus iha Heliport, Suco Bairo-Pite Municipio Dili  Kuarta (19/07).

"Imi hare hori kalan iha TV sira temi Projetu ZEEMS, sira temi irigasaun iha Suia, iha Manatuto iha Waturali laos obra sira nia. Maibe sira dehan sira nian, ema sira ne'e nega PD nia obra," Sekretariu Jeral (SekJen) PD “Kalohan" ba nia militante sira.

Tuir “Kalohan" Projetu sira ne'ebe halo promosaun iha TV mai husi obra  Assanami no Assanami halo desizaun, halo irigasaun ema balun kontra no kritika. Maibe  ohin sira dehan sira maka halo.

“Assaami halo ema hotu-hotu kritika, maibe nia rejultadu iha, sira dehan ne'e obra sira nian no sira ba loke sampanye halo tarutu, dehan sira maka halo. Ema sira hanesan ne'e la reskuinese ema seluk nia kontribuisaun,” Kalohan haktuir. 

Kalohan mos esplika katak, estrada ne'e maka dadaun ne'e halo hela iha teritorio tomak ne'e mos mai husi idea PD.

"Estrada ne'ebe maka halai tesik ba karimbala ba Loes, estrada husi Timor laran tomak lao dadauk, maibe iha iklan sira dehan ema ida nian deit, sira ba inagura dehan sira mak halo, maibe mai tempu kampana sira dehan sira nia, maibe laos Governu nian," nia hatete.

Nia dehan, pior liu mak sira ba inagura irigasaun ne'ebe mai husi desizaun Assanami. Maibe sira ba inagura sira la konvida Assanami,  ema sira ne'e nega PD nia kontribuisau, “Ne’e maka ita nia maluk sira husi partido sira seluk. Tamba ne'e hau husu ba militante Partido PD , atu fo fiar malu nafatin no respeita malu nafatin  atu labele uja lia fuan ida hau, tanba lian fuan hau ne'e dehan rakus ou Kanten. Tamba ne’e ita tenke hamutuk atu reliza povu nia mehi laos uja nafatin mehi Povu nia mehi,” nia dehan.

Pártido Demokrático Official Website