Kalohan Promete Halakon Lian Materna | Partidu Demokratiku

Kalohan Promete Halakon Lian Materna

Kalohan Promete Halakon Lian Materna

Sekretariu Jeral Pártidu Demokrátiku (PD), Antonio Conceição Kalohan ho Prezidente Consellu Politika National (CPN), Partidu Demokratiku (PD), Adriano do Nascimento | Photo Dok : Partidu Demokratiku

08/07/17

Likisa : Sekretariu Jeral Pártidu Demokrátiku (PD), Antonio Conceição Kalohan, promete sei halakon programa lian materna, bainhira povu fia no fo votus hodi ukun, tamba programa lian materna la benefisia povu nia oan sira iha futuru.

SekJen PD hato'o lia hirak ne'e iha komisiu politiku ba militantes no simpatizante iha kampaña eleitoral iha munispiu Likisa, Sabadu (08/07).

“Edukasaun imi hotu tenke konkorda ho hau, ita Likisa oan labele hanoin nafatin atu koalia lian Tokodede iha edukasaun nian, lian materna tenke para. Ita labele koalia bei-beik iha eskola,” hatete Sekretariu Jeral (SekJen), Partidu Demkratiku (PD). 

Halohan dehan, bainhira PD ukun hakarak lian materna koalia deit iha uma. Maibe bainhira estudante sira hahu aprendizajen, tenke koalia siensia. Likisa oan tenke defende kualiadade edukasuan iha Likisa atu nune’e dezenvolvimentu edukasaun ba ema hotu hanesan. 

“Ita tenke defende nafatin, kualidade edukasaun ida ba Timor tomak no kualidade ne’e mos labele hela deit ba ema sira ne’ebe hela iha sidade,” dehan SekJen. 

Iha fatin hanesan, Prezidente Consellu Politika National (CPN), Adriano do Nascimento hatutan katak, bainhira PD kaer ukun sei kria banku kreditu ba estudante sira ka edukasaun gratuita ba eskola Primaria, to’o Sekundaria. 

Nune’e estudante ne’ebe hakarak kontinua ba Lisensiadu, Masteradu no Doutoramentu iha rai laran ka rai liur sei fasilita nafatin, maibe liu husi kreditu ne’ebe hein to’o servisu mak bele selu fila-fali. Kuandu la servisu la selu. 

Nia dehan, iha programa kreditu ne’e sei kalkula kedan osan han, hemu, osan eskola, osan livru, ropa, osan ne’ebe estudante precisa no seluk tan. 

p.p1 {margin: 0.0px 0.0px 0.0px 0.0px; text-align: justify; font: 12.0px Arial} span.s1 {font: 12.0px Helvetica} span.s2 {font-kerning: none} span.Apple-tab-span {white-space:pre}
Pártido Demokrático Official Website