Kalohan Promete Loke Eskola Professor Iha Aileu | Partidu Demokratiku

Kalohan Promete Loke Eskola Professor Iha Aileu

Kalohan Promete Loke Eskola Professor Iha Aileu


Sekretariu Jeral Pártidu Demokrátiku (PD), António Conceição -Kalohan - Kampana iha Munisipiu Mantuto (25-06)| Photo Dok: Partidu Demokratiku

25/06/17

REMIXIO: Sekretariu Jeral Pártidu Demokrátiku (PD), Antonio da Conceição "Kalohan" promete ba povu atu loke eskola Professor, iha Munisipiu Aileu hodi produs professor ne'ebe kualidade atu bele distribui ba eskola hotu iha Timor-Leste, bainhira hetan hetan fiar husi povu hodi iha loron 22 fulan Julhu hodi ukun.

Sekretariu Jeral PD "Kalohan" hatete, munisipiu Aileu kontribui rekursus umanus ba dezenvolvimentu nasional, tanba durante ne'e. Ema ne'ebe kaer governu no igreja Katolika barak husi munisipiu Aileu.

"Pártidu Demokrátiku (PD), hakarak atu Aileu sai nafatin knu'uk ba professores sira iha Timor. Hau Kalohan mak promote ba ita bo’ot sira, kuandu imi fo fiar ba PD atu ukun, ami kompromete ba ita bo’ot sira ami sei loke eskola professor iha Aileu, wainhira PD manan i karik hau kontinua asume pasta nudar Ministru Edukasaun,” hatete Kalohan iha nia kampaña ba dala 6 iha Kampu Remixio, segunda (26/06).

Kalohan hatutan katak, tenke loke eskola professor, atu nune'e bele produs professor sira ho kualidade, atu nune'e bele prepara rekursus umanus ne'ebe kualidade iha futuru.

Nia dehan, hanesan SekJen PD atual Ministru Edukasaun (ME), deskobre ona problema barak durante nia ukun tinan 2 nia laran. Maibe problema barak mak konsege rezolve ona liu-liu professor hamutuk 4200 ne'ebe ho estatutu "ragu-ragu" ka kontratadu tinan ba tinan, oras ne'e sai ona professor permanente no reklamante hamutuk 600 resin ohin loron rezolvidu hodi halao funsaun hanesan professor.

Pártido Demokrático Official Website