Konsidera Grupo Aproveita Xanana Oportunista | Partidu Demokratiku

Konsidera Grupo Aproveita Xanana Oportunista

"Kalohan" Konsidera Grupo Aproveita Xanana Oportunista

Sekretariu Jeral Pártido Demorátiku (PD), Antonio da Conceição Kalohan| Photo Dok : Partidu Demokratiku (AQDV)

06/07/17

Atsabe : Letefoho : Sekretariu Jeral Pártido Demorátiku (PD), Antonio da Conceição "Kalohan" konsidera iha grupo balun ne'ebe Mai Aproveita Xanana (MAX) ne'e oportunista nia oan sira. Tamba ne'e nia husu ba povu atu keta fiar, bainhira sira halo kampaña eleitoral iha fatin-fatin.

SekJen PD, "Kalohan" hatete, durante ne’e ema hotu iha direitu no hetan  oportunidade hodi kaer governu. Maibe bainhira sira hetan oportunidade hodi kaer pasta hanesan Ministru no Ministra sira lakoi atu fortifika ejistensia partidu nian ba futuru, maibe hakarak hafahe no aproveita deit. 

“Grupu Mai Aproveita Xanana (MAX), kuandu sira mai husu imi atu apoiu ba partidu seluk ne’e keta fiar ba sira tanba Mai Aproveita Xanana, ne’e penghianat,” hatete "Kalohan" iha kampaña eleitoral iha Letefoho, tersa (05/07).

"Kalohan" hatutan katak, ema sira ne’ebe mak ohin loron lidera grupu MAX ne’e PD mak lori sira ba hetan kargu nudar Vise balun, maibe forma fali grupu hodi estraga PD rasik. Hahalok hanesan ne’e PD lakoi tolera atu ema sira hanesan ne’e buras iha partidu laran.“MAX ne’e mai la’os atu hanesan partidu. Maibe sira mai atu aproveita Xanana,” dehan Calohan. 

Tamba "Kalohan" apela ba militantes no simpatizante hotu iha Timor-Leste, atu labele fiar grupo ne'e, tanba sira buka ema atu apoiu partidu ida, maibe sira ne'e mai atu aproveita deit. Nia mos husu ba militantes sira atu mantein nafatin ba iha PD hodi fo votus konfiasa ba PD atu bele lori dezenvolvimentu ba povu tomak.

p.p1 {margin: 0.0px 0.0px 0.0px 0.0px; font: 12.0px 'Trebuchet MS'} span.s1 {font-kerning: none} span.Apple-tab-span {white-space:pre}
Pártido Demokrático Official Website