Kria Fundus Espesial Ba Veteranus | Partidu Demokratiku

Kria Fundus Espesial Ba Veteranus

Kria Fundus Espesial Ba Veteranus


Militantes no Simpatizantes Partido Democratico Partisipa Kampanha Eleitoral Partido Democratico iha Munisipiu Manufahi | Photo Dok: Partidu Demokratiku

Manufahi (16/04/2018) : Prezidente Pártidu Demokrátiku (PD) Mariano Assanami Sabino hatete, sei kria fundus espesial ba veteranus sira atu tau osan no foti osan hodi trata sira nia moris.

Tuir Prezidente PD Mariano Assanami Sabino, PD jerasaun kontinuador husi Erois sira nian tanba ne’e sei kontinua buka meius hodi trata aman vetranus sira ho dignu atu nune’e husi jerasaun ba jerasaun bele rekoñse nafatin aman sira nia sofrementu.

Aman veteranus sira uluk luta hakarak atu liberta rai ida ne’e sira sakrifika nia oan sira nia futuru atu eskola ka la iha sira la interese, tamba ne’e ohin loron jerasaun sira nia balun moris marjinalizadu hela tanba ne’e PD hakarak atu hadia.

“Ita sei kria fundus espesial ida ba veteranus sira atu rai sira nia osan ho modelu hanesan ko’operativa atu nune’e sira bele dezenvolve osan ne’e hodi hadia sira nia moris no jerasaun ba jerasaun,” hatete Prezidente PD, Mariano Assanami Sabino, iha Kampu munisipiu Manufahi.

Prezidente ne’e hatutan katak,, pesaun ba Veteranus sira kada fulan sira sempre foti hela de’it, maibé la iha sustentabilidade tamba ne’e PD iha politika ida atu kria fundus espesial hodi rai osan ne’ebé estadu atu fó ba veranus sira ne’e.

Osan ne’e transfere mai iha banku espesial veteranus hodi dezenvolve bele fó kreditu ba emprejariu nasional sira atu bele uja depois mak selu fali ho nune’e mak osan pensaun ne’e bele sirkula ho efisiente.

Kuandu osan pesan veteranus sira nian ne’e maneja ho diak iha sustentabilidade hanoin katak jerasaun ba jerasaun bele uja ona hodi trata sira nia moris liu-liu sustenta nia oan sira ba eskola atu nune’e jerasaun veteranus sira labele kontinua moris iha marjinalizadu nian laran.

Iha fatin hanesan tuir Presidente CPN Adriano Naciemento hatete, pesaun ba veteranus sira nian ne’e hatur ona iha konstituisaun tanba ne’e ema ida sei la muda tuir nia hakarak.

Iha kampaña eleitoral ida ne’e partidu balun mai lori lia falsu karik imi la hili sira osan ba veteranus sei la iha ne’e hanesan buatus tanba ne’e lalika fiar sira.

Husu ba veteranus no nia jerasaun sira ne’ebé ohin loron iha ne’e husu atu hamutuk ona ho PD hodi nune’e bele hadia povu ida ne’e nia moris tuir imi nia mehi iha ai laran.

Pártido Demokrático Official Website