La-Sama Povu Nia Belun Diak | Partidu Demokratiku

La-Sama Povu Nia Belun Diak

Asanami : La-Sama Povu Nia Belun Diak

Prezidente Pártidu Demokrátiku (PD), Mariano Assanami Sabino, bainhira hato'o nia kompromisiu politiku ne'ebe halao iha Munisipiu Oecusse. | Photo Dok : Partidu Demokratiku

15/07/17

TUMIN-OECUSSE : Maske La-Sama laiha ona maibe ninia memoria kontinua metin iha povu atoni oan sira nia fuan. La-Sama figura simples ne’ebe hakuak no halibur povu hotu. Nia merese duni sai belun diak povu nian, liu-liu iha povu Oe-cuse.

"Hau nia lia menon mak ne’e, hakmatek no buka paz nafatin, hadame malu nafatin. ho estrutura antigu PD nian ne’ebe hodi PD mai iha Oecusse, imi kesi  malu ho La-Sama. La-Sama hemu imi nia tua, Fuma imi nia Tabaku, La-Sama laos deit Presidente PD maibe imi bolo malu maun ho alin,"  

Prezidente Paritdu Demokratiku (PD), Mariano Asanami Sabino hateten, La-Sama tama imi nia dapur buka hahan, hanesan imi nia oan ne’ebe kuandu to’o mai uma, hamlaha nia tama dapur. La-Sama toba iha imi nia kuartu. diak ka ladiak nia toba iha imi nia uma. hader to’o loron. Fuma Tabaku no  konta istoria ho imi to'o loron.

"Imi ida-idak ninia sakrifisiu, imi halo bo’ot ona PD. Imi ida-idak nia terus ho imi nia be’e manas fo hemu La-Sama, toba iha imi nia uma. Tebe hakuak malu ho imi, maibe ohin La-Sama laiha. imi ida-idak iha responsabilidade atu habo’ot PD," hatete Prezidente PD Mariano Asanami Sabino, iha kampaña PD  iha suku Tumin Oesilo Oe-Cuse, Sesta(14/07/2017)

Nudar Presidenti PD hatene nia hateten, Atonio sira hadomi La-Sama, hadomi mos PD, tanba ne'e La-Sama nia naran kontinua bo’ot no morin. Atoni oan sira hotu-hotu esforsu rasik hodi hasai nia osan, etu, kafe, cha hodi habot PD iha Oe-cuse.

"Ita laiha patraun, iha funu mos ita laiha patraun. Ita laiha osan barak. Ita laiha motor, Kareta. tanba PD ema ida-idak ninian, inan aman sira hadomi PD tanba ne'e to'o ohin loron sira kontinua iha PD tanba mos hadimi La-Sama," eis Ministru Agrikultura no Peskas ne'e hatutan.

PD ema ida-idak ninian. Tamba ne'e tinan lima Prezidente troka malu, lider troka malu, ema balun tur iha Parlamentu, Governu troka malu, tamba partidu ne’e ema ida-idak nia, ema ida-idak tenke hatene kuidadu, ema ida-idak tenke hatene hatutan, hatene hu’u ba nia oan sira nia rento’os, hodi banati tuir PD nia prinsipiu. Tamba kompromisiu sosiedade demokratiku ne’e kultura moris no kultura ukun nian.

Pártido Demokrático Official Website