Lian Portugues Tenke Populista, Labele Elitis | Partidu Demokratiku

Lian Portugues Tenke Populista, Labele Elitis

Lian Portugues Tenke Populista, Labele Elitis


Prezidente Partido Democratico Mariano Assanami Sabino ho komitiva tama ba Fatin Kampanha iha Munisipiu Covalima | Photo Dok: Partidu Demokratiku

Ainaro (15/04/2018) : Pártidu Demokrátiku (PD), hato’o lia hirak ne’e iha kampanha Aberta Pártidu Demokrátiku (PD) ba loron da ne’en iha Suku Casa– Munisipio Ainaro.

Ba Militantes no apoiante sira, Prezidente PD hatete, dezde uluk PD defende lian Portugues iha Asembleia Konstituante no hakerek iha Konstituisuan RDTL, tamba Timor-Leste iha historia libertasaun Povu kona ba lingua ne’e no uniku Nasaun nebe’e estrategikamente uza lingua Portugues iha regiaun Asia.

Assanami dehan, PD nia vizaun wainhira manan iha Eleisaun Antisipada (EA), sei dezemvolve lian Portugues diak liu tan, liu husi Formasaun ka kursu ba ema hotu iha Timor-Leste

“Ita hakarak kursu Portugues nebe’e to’o iha kraik, ita hakarak ema sira iha merkadu mos hatene Portugues, Joven sira, iha uma laran mos ema hotu koalia portugues, Portugues ne’e tenke sai lingua popular, lingua populista lingua Povu nian, laos lingua elit nian depois mak ita dehan ne’e lingua offisial, labele ema ruma nebe’e mai regador koalia Portugues ita hanoin dehan matenek ona, maibe nia kuandu debate nia halai ba Portugues para ita labele lao tuir, ne’e la los Companheiro sira,” hatete Prezidente PD Assanami iha kampana PD Munisipiu Ainaro-Kasa.

Assanami dehan, alende ne’e ligadu ho programa Edukasaun PD nian katak, edukasaun tenke iha Kualidade, maibe mestre sira tenke iha kapasidade nebe’e diak, nune’e bele hanorin jerasaun foun sira ho matenek no kualidade.

“Ita hakarak mestre sira kontinua hetan kapasitasaun no iha kualidade, ita lakohi mestre kontratadu, ita lakohi mestre voluntario, tamba ne’e mak ita nia programa nebe’e Vice Ministra Edukasaun, Lurdes Bessa halo dadauk ona identifika funsionariu kontratatu sira atu tuir prosesu ba permanente no sai professor nebe’e digno, ita hakarak iha kuriku nebe’e mak diak, halo uma ba professor sira atu bele servi edukasaun diak liu to’o iha kraik." nia dehan.

Pártido Demokrático Official Website