Militantes FRETILIN, ASDT, CNRT Fila ba PD | Partidu Demokratiku

Militantes FRETILIN, ASDT, CNRT Fila ba PD

Militantes FRETILIN, ASDT, CNRT Fila ba PD

Prezidente Consellu Politika Nasional (CPN), Pártidu Demokrátiku (PD) Adriano do Nascimento ho Prezidente Pártidu Demokrátiku (PD), Mariano Assanami Sabino, fo hatai ba Militantes husi CNRT, FRETILIN no ASDT ne'ebe fila-fali ba uma l | Photo Dok: Partidu Demokratiku 

30/06/17

Ainaro : Militantes balun husi Frente Revolucionária de Timor-Leste Independente (FRETILIN), Congresso Nasional Reconstrução Timor Leste (CNRT)  no Asosiasaun Sosial Democtarico Timorense (ASDT), fila-fali ba uma lisan Pártidu Demokrátiku  (PD), hodi hamutuk lori ártidu Demokrátiku (PD) ba Eleisaun Parlamentar (ElPar).

Prezidente Pártidu Demokrátiku (PD), Mariano Assanami Sabino hato'o lia hirak ne'e iha komisiu politiku ba militantes no simpatizante iha Munisipiu Ainaro-Villa, (30/06).

“Agradese ba familia foun ne’ebe ohin tama mai, hakat mai husi Partidu FRETILIN, ASDT, CNRT, imi fila mai imi nia uma lisan. Imi la mai atu sai bainaka iha ne’e (PD). Imi ohin tama mai Pártidu Demokrátiku, sai kedas uma nain,” Prezidente Pártidu Demokrátiku (PD), Mariano Assanami Sabino.

Assanami dehan, estutura sira ne’ebe fila mai PD, husi partidu seluk mak hanaran Afilisaun. Maibe fila mai PD laos afiliasaun,maibe PD hari’i uma lisan ba Timor oan tomak ne’ebe mak defende RDTL.

“Laos afiliasaun, husi partidu seluk mak halo afiliasaun. Maibe PD hari’i uma lisan ba Timor oan tomak ne’ebe mak defende RDTL.” dehan Assanami.

Assanami mos kontinua husu nafatin ba estrutura PD iha Timor laran tomak, atu kontinua esforsu no servisu maka’as iha kada munisipiu, postu adminsitrativu hodi tuku povu nia odamatan esplika ba sira atu nune’e labele vota ka tu’u sala ba PD.

 

“Labele tu’u sala PD, Labele tu’u sala numéro 13,” dehan Assanami.

Pártido Demokrático Official Website