Mosu EA, Failla Husi Lideransa Sira | Partidu Demokratiku

Mosu EA, Failla Husi Lideransa Sira

Mosu EA, Failla Husi Lideransa Sira


Diskursu Prezidente Partido Democratico Mariano Assanami Sabino| Photo Dok: Partidu Demokratiku.

Ermera-Atsabe (01/05/2018) : Prezidente Prezidente Pártidu Demokrátiku (PD), Mariano Assanami Sabino hatete, Eleisaun Antesipada (EA) mosu tanba failla husi lideransa partidu sira.

"Eleisaun Antesipada (EA), eleisaun la normal. Eleisaun Antesipada tanba kegagalan lideransa sira husi partidu 5 (FRETILIN, CNRT, PLP, PD no Khunto). Tanba lider politiku sira la konsege jere multi Partidaria ne’ebé konstituisaun hatur ba, prinsipio ne’e atu kontrui ba nasaun. Maibe ohin ita tenke buka dalan ida fasil maka fila-fali ba eleisaun atisipada," hatete Prezidente PD, Mariano Assanami Sabino, iha nia komisiu politika ba nia militantes no simpatizantes sira iha Ermera, Postu Atsabe.

Assanami dehan, partidu 5 ne'e ladun fo kna'ar no jere multi partidaria ho diak ikus mai povu sei vota fila-fali iha loron 12, Maio 2018.

"Hau hakruk ba inan-aman sira husu deskulpa, maibe husu nafatin inan-aman sira atu afirma katak, hamrik fo fiar ba ita nia oan sira, ne'e ho mentalidade servi, mentalidade murador, mentalidade asuliar para atu servisu, laos atu uja imi nia votus para atu sai arogante," dehan Assanami. 

Lider jerasaun foun ne'e kontinua husu ba povu Timor-Leste, atu haka’at ba sentru votasaun iha loron 12 fulan Maio hodi fo votus ba PD ho Numeru Sorteiu 2.

Pártido Demokrático Official Website