Organizasaun Doze-Doze, Nain 1008 Apoiu PD | Partidu Demokratiku

Organizasaun Doze-Doze, Nain 1008 Apoiu PD

Organizasaun Doze-Doze, Nain 1008 Apoiu PD

Pártidu Demokrátiku (PD) Mariano Assanami Sabino kaer liman ho Presidenti Organizasaun Doze-Doze, Pedro Gomes, antes hahu kampana eleitoral iha Munisipiu Oecusse, Sesta | Photo Dok : Partidu Demokratiku

14/07/17

NUNBEI : Membros Organizasaun Doze-Doze, hamutuk nain 1008 husi suku 10 iha Munisipiu Oe-cusse deklara sei fo votus konfiansa ba Pártidu Demokrátiku (PD) ira Eleisaun Parlamentar (ElPar).

Presidenti Organizasaun Doze-Doze, Pedro Gomes hato'o lia hirak ba estrutura PD, bainhara PD halao kampaña eleitoral iha Nunbei, Oecu-sse, Sesta (14/07).

"Ami prontu ona fo forsa ba PD para atu dudu no aselera liu tan dezenvolvimentu iha rai Oe-cusse,” hatete Prezidente Organizasaun Doze-Doze Pedro Gomes.

Nia hatutan katak, tinan barak ona rai Oe-cusse laiha oportunidade atu hetan fatin hodi kompete hanesan municipiu sira seluk. Tamba ne'e membros doze-doze hamutuk nain 1008 deklara involve-an iha PD para atu fo aportunidade no forsa para atu rezolve Oe-cusse nia problema. 

Tuir nia, problemas ZEEMS iha Oe-cusse kuaze mesak ema husi rai liur mak servisu de'it. Ne’e duni organizasaun Doze-doze, sei esforsa maka’as atu tama uma ba uma, tuku odamatan ba odamatan para atu husu povu Oe-cusse vota ba PD. 

Iha fatin hanesan Prezidente PD, Mariano Assanami Sabino apresia ho involvimentu Doze-doze nian iha PD no kontinua husu atu esforsu no kontinua servisu maka’as para bele realiza mehi ne'ebe PD iha. 

“Hahu ohin ba oin estrutura iha baze tenki servisu liu tan. Aprosimasaun tenki kontinua lao to'o loron 21 kalan,” Informa Assanami.

Entertantu membru doze-doze husi suku 10 ne'ebe deklara tama ba PD ne'e mai husi Malelet, Usitaqueno, Lele-Ufe, Cunha, Costa, Bene-Ufe, Lele-Ufe, Lalisu, Usitasae no Pasabe.

Pártido Demokrático Official Website