ParPol Balun Hahu Sosa Votus | Partidu Demokratiku

ParPol Balun Hahu Sosa Votus

ParPol Balun Hahu Sosa Votus

Prezidente Konsellu Politiku Nasional (CPN), Pártido Demokrátiku (PD), Adriano do Nascimento. | Photo Dok: Partidu Demokratiku

 28/06/17

Turiskai : Durante kampaña eleitoral, ema husi Pártido Politiku (ParPol), balun komesa lori osan, projetu no kargu ba bosok povu hodi sosa votus iha Eleisaun Parlamentar (ElPar), ba période 2017-2022.

Prezidente Konsellu Politiku Nasional (CPN), Pártido Demokrátiku (PD), Adriano do Nascimento husu ba povu, liu-liu militantes no simpatizantes husi PD atu kuidadu, tanba durante kampaña eleitoral ema balun komesa lori osan, projetu no kargu hodi sosa votus. 

“Balun mai ho misteriu tolu atu hanorin imi, hatete ba imi nune’e imi vota ba ami nia pártidu, imi halibur kartaun eleitoral, fo projetu ba imi ne’e misterio primeiru, misterio segundu maka sira mai iha mai dehan o ba buka inan-aman sira nia kartaun eleitoral tama ami nia partido, hau foti ita bo’ot sai Funsionario Públiku (FP) no sai Diretor, Misterio terseiro mak sira mai ho osan, kalan-kalan sira ba imi nia uma dehan aban vota ba ami nia partido, hau fo seratus dollar ho fo'os saka ida ba imi,” hatete Prezidente Konsellu Politiku Nasional (CPN) Pártido Demokrátiku (PD), Adrianos do Nascimento ba nia militantes sira iha Turiskai, kuarta (28/06).

Adriano dehan, misteriu tolu ne’e mai estraga atu estraga povu, liu-liu militantes PD tenke fiar metin liafuan ida katak, “Simu ba hotu-hotu han, ne’e imi nian, ita hotu nian.” 

  Tuir nia, Ministeriu ne'e signifia katak tempu kampana mak sira lori osan, projetu no kargu hodi sosa povu no militantes sira nia fiar, ignoransia. 

Maibe “Imi simu tia ba kastigu sira, lalika vota ba sira. maibe vota ba PD tanba PD mai laos atu sosa votus, maibe mai atu eduka inan-aman sira laos mai hanorin povu ho osan,  la koi sosa povu nia dignidade, lakoi sosa povu nia kiak ho osan iha tempo eleisaun,” dehan Adriano.

Nia dehan, se hakarak ajuda povu promete ba povu ami manan halo uma,  halo escola. Maibe laos aban atu ba vota, sira mai ho osan atu sosa ita nia vote hodi vota ba sira nia partidu.

“Hau husu ba kompaneiru sira kuando ema balun mai ho osan simu deit, tanba sira lori osan estado nia maka mai, imi simu ba mak labele vota ba sira, informa Adriano ba nia militantes PD.

Pártido Demokrático Official Website