ParPol Balun Kopia Programa PD | Partidu Demokratiku

ParPol Balun Kopia Programa PD

ParPol Balun Kopia Programa PD


Sekretariu Jeral Pártidu Demokrátiku (PD), António Conceição -Kalohan- basa liman hafoin tuir kampana iha Munisipiu Mantuto (25-06) | Photo Dok: Partidu Demokratiku

25/06/17

MANATUTO : Pártidu Politiku (ParPol), balun kopia programa importante balun husi Pártidu Demokrátiku (PD), nian ne'ebe atu fo kreditu ba estudante sira.

Sekretariu Jeral PD, Antonio da Conceição "Kalohan" senti triste, ParPol balun kopia programa PD nian, ne'ebe desde uluk kedas programa PD nian atu tau kreditu ba povu kbi'it laek nia oan sira hodi asesu ba edukasaun.

"Horkalan iha ona sira seluk mos hanesan ne'e, maibe fo-foun sira dehan, bele ka labele, osan iha ka laiha, dalan husi ne’ebe. Sira kopia ne’e, tanba laiha keberanian atu halo buat sira ne’e. Kuandu ita senti dehan bele halo ona, sira komesa hahu foti sasan sira ne’e," hatete Kalohan iha nia kampaña eleitoral ba dala 5 iha Kampu Manatuto, dominggu (25/06). 

Maibe Kalohan dehan, laiha buat ida. Tanba programa ne'ebe mak durante ne'e seidauk implementa, sira bele halo, sira bele kopia. Maibe ida ne'e tanba influensia husi PD nian, ne'ebe mos influensia mentalidade ne'e.

"Laos ita mos hein deit buat hotu-hotu ita mak halo. Ita nia hanoin, maibe sira halo ne’e mos diak ona. Maibe importante mak tenke diak ba ita nia povu, laos ba ita PD mesak deit. Tanba partidu ne’e sai instrumentu deit, importante mak tenke lori nafatin dezenvolvimentu ba ita nia povu sira," dehan Kalohan.

Pártido Demokrático Official Website