ParPol Balun Politiza Fahe Trator Gratuita | Partidu Demokratiku

ParPol Balun Politiza Fahe Trator Gratuita

ParPol Balun Politiza Fahe Trator Gratuita

Kalohan : Politika Proteze-An

Sekretariu Jeral Pártidu Demokrátiku (PD), António Conceição -Kalohan- hamnasa ba nia militantes no simpatizantes sira hafoin remata kampana iha Munisipiu Mantuto (25-06)| Photo Dok: Partidu Demokratiku

25/06/17

MANATUTO : Iha tempu Aliansa Maioria Palamentar (AMP), Presidente Pártidu Demokrátiku (PD), Mariano Assanami Sabino assume pasta nudar Ministru Agrikultura no Pescas (MAP), ho nia programa ida fahe trator gratuita ba agrikultores sira atu uja fila rai hodi kuda produtu loka. Maibe oras ne'e Partidu Politiku (ParPol), balun Poliza dehan Assanami fahe trator ba militantes PD, ne'e la los.

Sekretariu Jeral Pártidu Demokrátiku (PD), António Conceição "Kalohan" nia ladun kontenti ho ParPol balun ne'ebe kondena nafatin Presidente PD, ne'ebe kaer pasta Ministru Agrikultura no Pescas (MAP), tinan 7. Maibe iha Kampana Politiku sira kontinua koalia nafatin programa ida ne'e. Bainhira povu ida ne'e sei lao, dezenvolvimentu tenke lao nafatin ho nia tempu.

"Ida ne’ebe kritika PD hodi dehan tinan 7 bele la halo. Ne’e tanba nia mos proteze nia-an hela deit, la halo buat ida. Tanba ne’e mak nia kritika saida mak Assanami halo. Hodi dehan lori trator ba fo ema ida ne’e sala, la lo'os," hatete hatete Sekretarriu Jeral  Pártidu Demokrátiku iha ninia kampaña ba dala 6, iha munisipiu Mantuto (25/06).

Kalohan dehan, ParPol sira ne'ebe oras ne'e politiza fahe trator gratuira. Ne'e tanba sira lakoi dezenvolvei setor agrikultura, sira hakarak  fo Katana, Aisuak ba povu agrikultores sira atu kontinua servisu maka'as.

Tuir nia, PD mai ho nia prinsipiu katak, hari’i nasaun husi baze. Agrikultores sira tenke tau duni atensaun atu nuene’ nia moderniza , maibe sira seluk la kontenti hodi dehan katak, iha tempu ne’eba Assanami halo politika sala.

"Sira nia hakarak atu fo nafatin katana, fo nafatin aisuak, tau nune’e maubere oan sira servisu maka’as nafatin, kuitadu. Labele hakma’an agrikultores sira ho mos trator ida ne’e mak sira hakarak," nia dehan.

Kalohan hatutan katak, maibe benefisiu ohin loron, sira mak ba inagura. irigasaun sira mak inagura, ba irigasaun ne’ebe mak Assanami halo. Ne’e mak los, labele ba bosok dehan iha tinan 2 sira mak halo, ne’e sira uja, saida mak politika PD halo, ohin loron inagura ka koa fita ba buat ne’ebe mak Assanami nia politika, PD ninia politika.

"Ohin loron inagura ponte iha Oecusse, laos ponte ne’ebe mak Dr. Mari mak halo. maibe ponte ne’ebe mak Ministru Gastao Sousa ninia politika, ne’e mak los. Sira ba inaugura ponte irigasaun iha Tono, ne’e laos sira nia obra. Assanami nia obra, PD nia obra, tanba hanoin hari'i nasaun husi baze," nia dehan.

Maski Jerasaun foun ne'ebe sei nurak, maibe brani hola desizaun, kuandu desizaun ne’e, tenu maka’as hodi hanoin katak halo ka la halo, halo ka la halo. PD hamri’ik atu halo duni, tenke halo. Labele iha desizaun ne’ebe mak "ragu-ragu".

“Labele iha desizaun ne’ebe mak ragu-ragu. Maun sira disidi ona ita ukun rasik-an, ita iha duni obrigasaun atu halo duni dezenvolvimentu ba ita nia rain, no ita nia povu. Tanba ne’e mak ohin loron sira laran moras ba saida mak PD diside. Estrada ne’ebe mak sira inagura. Ne’e mos iha V Governu nian, dezenu no buat seluk iha Ministru Gastão ninia planu, laos sira nian. Labele buat ne’ebe mak ema nia PD halo, ba buat ne’ebe mak iha."

"Imi hein, irigasaun iha Laleia ninian, inagura ona. se mak ba assina kontratu no lori ema mai halo. iha tempu Assanami nian. Ne’e mak los, rezultadu mak ne’e iha PD nia ukun. Irigasaun Suai ne’ebe tau tan nanan Saudozu Lasama iha ne’eba, ne’e se mak halo, ne’e mos Assanami nia obra, laos sira nian. Ne’e duni lalika ragu atu dehan katak PD laiha kapasidade, PD nia kapasidade boot demais, halo sira seluk mos tauk. Hanoin katak sira ba halo bo’ot liu tan karik." 

Iha fatin hanesan Presidente Consellu Politika Nasional (CPN), Adriano do Nascimento hatutan katak, ukun-an aisuak tenke troka, kuda hakiak atu sae, karau hakiak atu fa’an.

“Trator ne’ebe mak fahe iha Manatuto bele halo natar, hasae fo’os  husi povu agrikultores sira, maibe ema hatete dehan Assanami fahe trator ba nia PD sira,  baze ne’e iha ne’ebe. Manatuto ne’e iha tinan hirak liu ba kotuk PD mak manan maioria ka. Se manan mos trator mai iha ne’e laos ba PD deit, maibe ba partidu no povu agrikultor hotu-hotu,” nia dehan.

Mariano fahe trator la marka, agrikultor PD, FRETILIN ka CNRT, maibe face gratuita atu bele moderniza  servisu agrikultor sira nian, nune’e sira bele fa’an sira nia karau.

Pártido Demokrático Official Website