PD Firme ho FRETILIN, Lahamis Lealidade Ba Xanana-Taur | Partidu Demokratiku

PD Firme ho FRETILIN, Lahamis Lealidade Ba Xanana-Taur

PD Firme ho FRETILIN, Lahamis Lealidade Ba Xanana-Taur


Diskursu Prezidente PD, Mariano Assanami Sabino, iha| Photo Dok: Partidu Demokratiku

BAUCAU (21/04/2018) : Prezidente Pártidu Demokrátiku (PD), Mariano Assanami Sabino hatete, iha Eleisaun Parlamentar (ElPar), FRETILIN manan ho maioria simples, partido sira ba husu atu hakarak sai Presidente Parlamento Nazionale (PPN), Primeiru Ministro (PM) no Vise Primeiru Ministru, maibe Pártidu Demokrátiku (PD), Firme hamutuk ho FRETILIN, maibe lahamis lealidade ba maun bo'ot Xanana Gusmão, Taur Matan Ruak no sira seluk. 

"Ami kontinua pronto, wainhira FRETILIN nudar aman ida, nudar ita nia uma lisan hamrik  mesak-mesak, ita maubere oan pronto hamrik iha nia sorin para atu hateke ba oin. Wanhira Prezidente nia deskursu, ita nia liafuan badak deit maka ne’e hambrik firme iha FRETILIN nia sorin la hami'is ita nia lealidade ba maun bo’ot Kayrala Xanana Gusmão, maun Taur, maun Lere no ba FALITIL sira hotu”  Dehan Assanami hafoin halo kampania iha Baucau.

Lider jerasaun foul ne'e hatutan, durante PD  sei dada i'is espiritu FALINTIL, espiritu Funu nain ne’ebé maka PD nia juramentu sempre hatete katak, "Jura ba maromak, Jura ba rai lulik ba heroi funun nain sira ho hau nia naran rasik, katak ita pronto atu hatutan espiritu funu nain sira hodi konstrui estado de direitu demokratiku, hodi servi povu nasaun Timor Leste."

"Ita nia juramentu Diferente ho Partido hotu, tanba ne’e ita asauwain kontinuador, ne’ebé mak hodi Espiritu funu nain sira, espiritu FALINTIL atu hamrik metin nafatin, hateke ba oin nafatin, konstrui nasaun ida ne’e," hatete Assanami.

Pártido Demokrático Official Website