PD Hakarak Natarbora Sai Armajen Agrikula | Partidu Demokratiku

PD Hakarak Natarbora Sai Armajen Agrikula

PD Hakarak Natarbora Sai Armajen Agrikula

Presidente Partidu Demokratiku (PD), Mariano Assanami Sabino (Karuk), fuma tabaku tuir lisan Timor nian, bainhira hahu kampana eleitoral ba dala 4 iha, Natarbora sesta (23_06)

Natarbora : Pártidu Demokrátiku (PD), ne'ebe lidera husi Mariano Assanami Sabino hakarak, Natarbora Munisipiu Manatuto, sai seleiru ka armage ba produsaun Agrikula iha Timor-Leste.


23/06/2017

Natarbora : Pártidu Demokrátiku (PD), ne'ebe lidera husi Mariano Assanami Sabino hakarak, Natarbora Munisipiu Manatuto, sai seleiru ka armage ba produsaun Agrikula iha Timor-Leste.

Iha kampaña ba dala 4 PD iha Natarbora, Munisipiu Manatuto Presidente PD Mariano Assanami promete sei dezenvolve Natarbora sai diak liu tan, liu husi armagen ba produsaun agrikula ne'ebe bo'ot iha Natarbora, tanba PD nia prinsipiu ekonomia mak rikusoin povu nian.

"Pártidu Demokrátiku hakarak Natarbora sai seleiru ka armagen ba hahan nian. PD hakarak dalan iha Natarbora tenke diak para trator no material produsaun tenke iha Natarbora," dehan Assanami bainhira hato'o deklarasaun politika iha kampaña ba dala 4 iha Natarbora, sexta (23/06).

Assanami dehan, PD hakarak povu mak tenke moris diak iha baze, tanba ne'e presiza hakbesik ukun ne'e ba povu, atendimentu povu ho diak loron-loron, atu nune'e sira bele duni ukun-an ida ne'e. Prinsipiu PD nian, ekonomia mak rikusoin povu nian, uza rikusoin ba moris diak, povu nian.

"Ita labele uza rikusoin ba politika sira nia diak deit, ita labele uza rikusoin ba grupo ida nian. Ita labele uza rikusoin hodi estraga fali vizaun ukun rasik-an ida ne'e," dehan Assanami.

Assanami hatutan tan katak, maske setor agrikultura iha TL sei problema, tanba seidauk iha jestaun be'e ne'ebe diak. 

"Ita prezisa halo barazen ho diak, se ita iha be'e diak, ita halo produsaun loron-loron, setor agrikultura lao fo material makina atu prepara hahan atu ko'operativa bele sosa sasan to'o iha suco no postu administrativu sira," tuir nia.

Pártido Demokrático Official Website