PD husu lider rezistensia sira atu tu'ur hamutuk tau eransa politika nebe diak | Partidu Demokratiku

PD husu lider rezistensia sira atu tu'ur hamutuk tau eransa politika nebe diak

PD HUSU LIDER REZISTENSIA SIRA ATU TU'UR HAMUTUK HODI TAU ERANSA POLITIKA NEBE DIAK BA JERASAUN HOTU ATU BANATI TUIR

Foto Bandeira Partido Democratico | Photo Dok : Partidu Demokratiku (19-07-2017)

Dili : Prezidente Bankada Demokratiku (PD), Maria Teresa fo garantia katak atu governasaun ne’e to’o ninia mandate remata desizaun iha maun boot sira nia liman tamba, sira sei hamutuk ho jerasaun foun hodi resolve nasaun nia problema.

Tamba ne’e PD nudar jerasaun foun husu lider resistensia sira atu tu’ur hamutuk, hodi tau eransa politika nebe diak ba jerasaun hotu atu banati tuir iha futuru

Governu ida ne’e ninia lalok ba oin ne’e ema hotu dehan laiha kepastian (Inserteza) maibe, PD fiar ho esperiensia barak hatudu ona katak, ita konfia ita nia maun boot sira, no ita nia lideransa sira, mesmu sira ibun bele koalia malu ladiak maibe ho pontu ida, sira sei halo desizaun ida nebe lahaterus tan povu ida ne’e. no Timor ida nebe sira rasik luta no hasoru terus hodi hetan rai ida ne’e, tamba ita tenki iha esperansa nafatin katak bele iha solusaun nebe diak ba ita nia povu no rai ida ne’e. “haktuir Prezidente bankada PD ne’e ba jornalista sira iha Parlamentu Nasional, (Sexta 01-12-2017).

Deputada bankada PD ne’e mós husu lider resistensia sira atu tur hamutuk, hodi garantia dignidade no sai duni nudar instrument historiku ba jerasaun foun atu transforma.

Ita garante ba sira (lider rezistensia) tamba xave importante sei iha maun boot sira nia liman, PD hanesan partido jerasaun foun, partidu transformador, nomos partido moderador, husu ba lideransa historiku sira, nudar mós fundador nasaun nian, atu tur hamutuk halo dialogu hodi koalia ba malu, karik iha fukun ruma nebe maka ladiak, tur hamutuk hodi koalia, tau as nafatin soberania, dignidade hanesan instrument historiku ba jerasaun foun, neduni molok imi taka matan, tau netik buat foun no diak, atu nune bele konta hatutan ba jerasaun sira tuir mai. “ Teresa informa”. (ZAlmeida)

Pártido Demokrático Official Website