PD Iha Esperensia Ukun Nasaun | Partidu Demokratiku

PD Iha Esperensia Ukun Nasaun

PD Iha Esperensia Ukun Nasaun


Lideransa Partido Democratico iha kampanha aberta PD Munisipiu Bobonaro | Photo Dok: Partidu Demokratiku Elpar 2017

Iliomar (12/04/2018) : Durante ne’e Pártidu Demokrátiku (PD), sai ona opozisaun tinan lima no ukun hamutuk ho governu maun bo’ot Xanana Gusmão tinan sanulu, tamba ne’e iha ona esperensia oinsa atu ukun nasaun ne’e.

“PD iha tinan hirak nia laran hamutuk ona ho aman nasaun sira iha prosesu konstrusaun estadu, tanba ne’e ami maduru ona iha prosesu politiku ne’e duni PD koñese ona ukun ida ne’e,” hatete Prezidente PD Assanami iha nia kampana daruak iha, Munisipiu Lospalos, Postu Administrativo Iliomar.

Prezidente Pártidu Demokrátiku (PD), Mariano Assanami Sabino dehan, PD hanesan jerasaun kontinuador atu hatutan obra erois sira nian, tamba ne’e husu ba aman nasaun sira atu entrega ona ukun ne’e ba jerasaun foun sira atu kaer hodi kontinua dezenvolvimentu ida ne’e ba oin..

“Ami imi nia oan uluk iha tempu defisil nia laran imi fo fiar mai ami see hirus matan ba inimigu sira iha ema nia rain maibé tanba saida mak iha ukun aan la bele fó fiar mai ami atu hatutan ukun ne’e,” hatete Prezidente PD Assanami.

Assanami dehan, tempu to’o ona ba jerasaun foun sira mai hamutuk iha PD hodi tau aman sira iha nia fatin a’as ba hodi respeitu sira.

Ba dezenvolvimentu iha setor hotu hanesn Agrikultura, Infraestrutura bazika, Saude no edukassaun ami hatene ona atu dezenvolve oinsa ne’e tama ona iha programa tanba ne’e ami hakarak aman sira tur de’it ona iha fatin ida hodi kontrola de’it karik ami la’o sala hein hase atu ami bele hadia.

Pártido Demokrático Official Website