PD Kaer Ukun, Sei Investe Area Pekuaria | Partidu Demokratiku

PD Kaer Ukun, Sei Investe Area Pekuaria

PD Kaer Ukun, Sei Investe Area Pekuaria


Militantes no simpatizantes Pártidu Demokrátiku (PD), antusiasmu hodi partisipa kampana PD iha Munisipiu Bobonaro , iha loron 03 fulan Maio, hodi hein festa demokrasia Eleisaun Antesipada (EA).| Photo Dok: Partidu Demokratiku| Photo Dok: Partidu Demokratiku.

Lolotoe (03/05/2018) : Pártidu Demokrátiku (PD), kompromete sei investe setor agrikultura liu-liu iha area Pekuaria, wainhira  povu fiar no fo votus ba Pártidu Demokrátiku (PD), hodi ukun sei rekruta doutor animal hodi koloka to’o baze, atu nune’e bele animal sira ne’ebe povu hakiak.

Prezidente PD, Mariano Assanami Sabino hatete, Timor-Leste iha area balun potensial ba setor agrikultura hanesan pekuaria nian, oinsa atu bele hakiak animal hodi produs na’an ne’ebé kualidade no sausdavel.

“Ita hakarak investe iha area pekuaria nian hodi hakiak animal hanesan, Manu, Karau, Fahi Bibi atu nune’e bele produs na’an ne’ebé fresku no saudavel, tanba ne’e ita sei rekruta doutor animal hodi sira atu bele tau matan ba animal ne’ebé povu sira hakiak,” hatete Prezidente PD, Mariano Assanami Sabino, iha nia kompromisiu Politika ba nia militantes no simpatizantes sira iha Lolotoe-Bobonaro.

Assanami hatutan, antes ne’e Ministeriu Agrikultura ne’ebé nia lidera iha V Governu Konstitusional, konsege forma ona grupu hakiak animal hanesan Manu, Fahi, no Karau iha fatin balun la konsege susesu, tanba animal balun moras kona mate.

Tuir Assanami, iha momentu ne’ebá estudante doutor espesialista ba animal ne’e sei sura ho liman, tanba ne’e defisil atu koloka ba iha baze hodi halo vasinasaun ka halo tratamentu ba animal ne’ebé hetan moras.

Maibé ohin loron ne’e Universidade Privadu no Publiku hanesan UNTL, mos produs ona lisensiatura espesialista ba doutor animal nian, tanba ne’e ba futuru tenke involve estudante finalista doutor animal sira atu tun direta ba baze.

“Partidu Demokratiku mos kompromente karik manan iha eleisaun ida ne’e sei buka meius oinsa atu bele halo ko’operasaun ho univesidade sira neebé loke ona departamentu saude animal no pekuaria nian atu sai parseiru ho ministeriu agrikultura atu nune’e halo servisu iha area ne’e,” nia dehan.

Tuir nia, PD mos iha politika hakarak rekruta doutor animal suku ida tenke ema nain ida atu nune’e bele fo asistensia ba grupu no indvidu sira ne’ebé hakiak animal iha sira nia hela fatin.

Pártido Demokrático Official Website