PD Kompromete Kria Banku Movel | Partidu Demokratiku

PD Kompromete Kria Banku Movel

PD Kompromete Kria Banku Movel


Militantes Partido Democratico nebe partisipa iha kampanha aberta ba dala ne'en iha Munisipio Covalima | Photo Dok: Partidu Demokratiku

Covalima (14/04/2015) : Pártidu Demokrátiku (PD), Kompromete sei kria banku movel hodi halo pagametu ba ferik katuas sira tama to’o iha baze, wainhira povu fiar no fo votus ba Pártidu Demokrátiku (PD) iha loron 12 fulan Maio hodi ukun tinan lima.

Prezidente Consellu Politika Nasional (CPN) PD, Adriano Nascimento hatete, Politika PD durante ne’e observa hela situasaun ferik no katuas sira nian durante ne’e governu halo pagamentu ba ferik no katuas sira, maibé to’o postu administrativu sira hafoin simu nia osan.

Durante ne’e ami observa kada fulan 6 foin mak sira simu nia pensaun, tamba ne’e kuandu PD manan sei hafoun fali sistema pagamentu atu nune’e kutuas no ferik sira simu nia pensaun kada fulan ida la’os ba to’o fuan 6 hafoin sira foti hetan nia direitu.

“Hau husu ba povu Covalima tomak iha loron 12 maiu atu vota ba PD atu nune’e bele hadia sistema pagamentu ba ferik no katuas sira nian” hatete Prezidente Consellu Politika Nasional (CPN) PD, Adriano Nascimento iha kampana PD, iha Munisipiu Covalima.

Iha fatin hanesan Prezidente PD, Mariano Assanami Sabino kompromete ba povu kovalima tomak kuandu PD manan sei hasa’e pensaun ferik, katuas nian liu dolar $ 30,00 ne’ebé governu anterior hatur ona.

“Pensaun ba ferik no katuas sira ne’e imi nia direitu konstitusional tamba ne’e PD kuandu manan sei aumenta osan ba pesaun liu $ 30.00 ida agora ne’e,” dehan Assanami iha kampu Ladi Kovalima.

Pártido Demokrático Official Website