PD Kompromete Hadia Kualidade Edukasaun | Partidu Demokratiku

PD Kompromete Hadia Kualidade Edukasaun

PD Kompromete Hadia Kualidade Edukasaun


Militantes sira partisipa Kampanha aberta ba Eleisaun antesipada iha kampanha aberta PD iha tono | Photo Dok: Partidu Demokratiku

Oecusse (10/04/2018) : Pártidu Demokrátiku (PD) iha Eleisaun Antisipada kompromete sei hasa’e kualidade edukasaun iha Rejiuan Administrasaun Espesial Oekuse Ambeno RAEOA .

Tuir Prezidente PD Mariano Assanami Sabino, kampaña dahuluk iha Munisipiu Oekuse hatete, iha EA ne’e kuandu Povu Oecusse fo fiar ba PD iha ukun dahuluk nian sei dezenvolve setor edukasaun.

Nasaun ne’e ukun-an tanba povu maubere tanba ne’e tempu to’o ona atu maubere oan sira asesu ba edukusaun ida ne’ebé kualidade hodi servi nia-an rasik.

“Kuandu PD manan iha Eleisaun Antisipda ne’e programa dahuluk mak sei hadia setor edukasaun hodi hadia infraestrutura bazika eskola iha nivel teritoriu laran tomak,” hatete Prezidente PD Assanami iha nia kampana dahuluk, Munisipiu Oecusse, Tono.

Assanami hatutan katak, atu garantia kualidade edukasaun presija infraestrutura bazika hadia eskola kompleta ho Bilioteka, Laboratorium no saneamentu atu nune’e bele fó matenek ba Timoroan tomak

Aliende ne’e PD mós sei hari uma ba professor sira iha teritoriu laran tomak atu nune’e professor sira hela besik eskola hodi hanorin estudante sira.

Tuir Vise Presidente Consellu Politika Nasional (CPN), Lurdes Bessa hatutan, iha VII governu konstitusional sai hanesan Vise Ministra Edukasaun iha vijita ba eskola sira iha Oecusse balun sedauk iha kondisaun infraestrutura ne’e presija hadia, maibé tenke ho governu ida ne’ebé forsa hodi ukun mesak hafoin bele hadia.

Tanba ne’e husu ba povu Atoni oan tomak atu depozita konfiasa tomak ba PD iha EA atu nune’e bele realiza planu politika ne’ebé dezeña.

Pártido Demokrático Official Website