PD Promete Fo Kreditu Ba Estudante | Partidu Demokratiku

PD Promete Fo Kreditu Ba Estudante

PD Promete Fo Kreditu Ba Estudante


Presidente Partidu Demokratiku Eng. Mariano ASSANAMI Sabino Dirkursu iha kampanha aberta PD iha Postu Administrativu Iliomar | Photo Dok: Partidu Demokratiku

Iliomar (12/04/2018) : Pártidu Demokrátiku (PD), promete sei fo kreditu ba estudante ka sei kria fundus imprestimu ba estudante foin sa’e sira atu asesu hodi uja ba selu eskola iha nivel superior.

Tuir Prezidente PD, investimentu ba rekursu umanu ne’e importante tebes atu bele hadia jerasaun foin sa’e sira nia futuru, tanba hanesan ema ne’ebé foho oan lakoi atu alin sira nia futuru nune’e nafatin.

“Kria kreditu ba estudante sira ne’ebé remata ona eskola sekundaria atu kontinua ba universidade,” hatete Prezidente Pártidu Demokrátiku (PD), Mariano Assanami Sabino iha kampu Iliomar, Munisipiu Lautem.

Assanami hatutan, Iliomar hanesan fatin isitoriku ba jerasaun FALENTIL nian, tanba ne’e presija tau matan ba labarik sira nia futuru liu husi investimentu.

“Hau hanesan Luru oan lakoi atu hau nia alin sira iha iha Iliomar nune’e nafatin sira tenke hanesan ho labarik sira seluk iha kapital,” nia dehan.

Tuir Presidente CPN, Adriano Nacimento hatete, Politika PD nian ba kriasaun fundus imprestimu ne’e importante tebes ba jerasaun foun sira atu labele depende de’it ba inan aman sira hodi ba eskola.

“Kuandu sira remata sekundaria hakarak atu asesu ba universidade bele foti osan iha banku Wainhira sira eskola remata hetan servisu bele selu fila-fali, maibé kuandu la serivus la presija selu. Importante mak sidadaun sira bele iha ona edukasaun diak,” nia dehan.

Pártido Demokrático Official Website