PD Promete Halo Jestaun Ba Be'e Mos | Partidu Demokratiku

PD Promete Halo Jestaun Ba Be'e Mos

PD Promete Halo Jestaun Ba Be’e Mos

Lia naian sira iha Aileu-Laulara simu Pártidu Demokrátiku (PD), Mariano Assanami Sabino, hafoin hahu nia kampana eleitoral ba dala 6 iha Laulara-Aileu | Photo Dok: Partidu Demokratiku

26/06/17

Lequidoe-Aileu : Prezidente Pártidu Demokrátiku (PD), Mariano Assanami Sabino, promete ba povu Lequidoe atu halo jestaun ba be’e mos iha Timor laran tomak, bainhira povu fiar no fo votus ba Pártidu Demokrátiku (PD),   loron 22 fulan Julhu hodi ukun.

President Pártidu Demokrátiku (PD), Mariano Assanami dehan, iha Timor-leste fatin barak povu seidauk asesu ba be’e mos no seidauk iha jestaun ba be’e mos. Tanba ne’e uluk nia assume kargu nudar Ministru Agrikultura no Peskas (MAP), haruka proposta ba governu atu halo barajen ba be’e mos, maibe to’o agora la aprova. 

“Uluk hau sai Ministru Agrikultura, hau halo proposta atu halo barajen urjente ne’en (6) iha Parte Loro sae 2, iha rai klaran 2, iha parte loro monu rua ,maibe to’o agora sedauk realiza, tanba ne’e hau husu ba inan aman hotu hili PD para manan halo jestaun ba be’e mos iha Timor Laran tomak,” Promete Assanami ba Militante sira iha iha munisipiu Aileu-Lequidoe, tersa (27/06)

Tanba tuir Assanami katak drainajen ne’e atu ense be’e mos hodi uja ba  animal, ba aihoris, ba ema, energia eletrisidade no be’e mos importante ba ambiente ne’ebé saudavel.

“Be’e mos ne’e importante tanba be’e maka fo saudavel ba labarik sira ba joven, freik no katus sira inklui animal no ai horis sira,” nia dehan.

Tanba  Assanami afirma, se povu fia no fo votus ba PD manan iha Eleisaun Parlamentar (ElPar), sei fornese be’e mos ba uma laran hotu-hotu.

“Atu realiza promesa ne’e PD buka osan atu halo ida ne’e, tanba PD hatene buka osan no zere osan,” hatete Assanami.

Pártido Demokrático Official Website