PD Promete Investe Area Saude | Partidu Demokratiku

PD Promete Investe Area Saude

PD Promete Investe Area Saude

Lia naian sira iha Aileu-Laulara simu Pártidu Demokrátiku (PD), Mariano Assanami Sabino, hafoin hahu nia kampana eleitoral ba dala 6 iha Laulara-Aileu | Photo Dok: Partidu Demokratiku

 

 

 

27/06/17

Lequidoe-Aileu : Prezidente Pártidu Demokrátiku (PD), Mariano Assanami Sabino, promete ba povu atu fo prioridade ba area saude, liu-liu inan no doutor tradisional sira.

Prezidente PD Assanami dehan, PD manan hakarak setor saude tenke dezenvolve diak liu tan, dotor sira tenke tau matan ba inan isin no labarik ne’ebe sei iha kabun laran to’o nia moris.

“Ita  mos haraka kareta ne’ebé tula moras todan liu ho lalais, ita mos hakarak tratamentu saude ba inan sira. Tanba sira mak sei hahoris jerasaun futuru Timor-Leste, tanba ne’e Politika ba Feto iha Pártidu Demokrátiku ne’e importante atu bele hare ida ne’e,” hatete Mariano Assanami Sabino iha nia kampana ba dala 7 iha Municipio Aileu-Lequidoe (27/06).

Tanba tuir Assanami, inan feto sira mak hahoris lider bo’ot sira iha Timor hanesan, Xanana, Taur Matan Ruak, Xaiver do Amaral, Don Boaventura, Nico lau Lobato no sira seluk tan. 

“Ita mos hakarak fasilita dotor tradisional ne’ebé ita iha hodi fo sertifikadu, hatudu katak sira iha padraun ne’ebé kualidade para atu apoiu lalais ba fatin sira ne’ebé alternativu,” hatete Assanami .

 

Pártido Demokrático Official Website