PD Promete Produs Lei KAK | Partidu Demokratiku

PD Promete Produs Lei KAK

PD Promete Produs Lei KAK


Prezidente Conselu Politika Nasional (CPN), Adriano Nascimento | Photo Dok: Partidu Demokratiku

Manatuto (27/04/2018) : Pártidu Demokrátiku (PD), promete ba povu Timor-Leste, atu produs Lei Komisaun Anti Korrupsaun (KAK),  hodi lori ba Parlamentu Nasional (PN), atu bele diskute no halo aprovasaun ba lei importante ne’e, wainhira povu fiar no fo votus ba Pártidu Demokrátiku (PD), iha loron 22 fulan Maio, hodi ukun tinan 5.

“Ita lakoi atu Korupsaun Koluzaun no Nepotsimu atu buras iha ita nia rain, ita presija kombate,” hatete Prezidente Conselu Politika Nasional (CPN), Adriano Nascimento iha Kampu Munisipal Manatutu.

Adriano hatutan, Korupsaun Koluzaun no Nepotismu (KKN), sai hanesan fatores ne’ebé impata dezenvolvimentu nasional, tanba ne’e PD hakarak atu kombate liu husi ida-idak nia konsensia no liu husi Lei KAK.

Tanba ne’e PD kuandu hetan Vitoria iha Eleisaun Antisipada  sei fó  prioridade hodi halo elaborasaun ba lei KAK, hodi ba debate iha plenaria atu bele hetan aprovasaun hodi bele garantia sustenabilidade ba dezenvolvimentu nasional.

Antes ne’e lei KAK elabora ona no konsege diskute ona iha komisaun A asuntu lejislatura no justisa, maibé tanba tempu ohin loron kaduka ona tanba ne’e presija hafoun fali hodi lori ba fali iha plenaria.

Pártido Demokrático Official Website